Германчууд Сталины хүү Яков Жугашвилиг олзолж аваад фельдмаршал Паулюсаар сольж авах саналыг Сталинд тавихад "Жирийн офицерийг маршлаар сольдоггүй юм" гэж хэлээд хүүгээсээ татгалзаж байсан гэдэг.

Манжууд Галдан бошгот хааны хүү Сэвдэнбалжирыг олзолж аваад Алагшаагаар сольё хэмээн элч илгээсэнд Галдан бошгот " Үүлэн чөлөөний нар шиг үзэгдээд өнгөрөх махан биеийг өнө үүрдийн газар нутгаараа сольж яахан болох билээ " гэж хэлээд элчийг буцаасан гэдэг.

Тэд эцгийн хувиар хүүдээ хайртай байсан нь дамжиггүй. Гэвч тэдний шийдвэр эх орны ашиг сонирхол хэзээ ямагт бүхнээс дээгүүр байдгийн тод жишээ болон түүхэнд мөнхөржээ.