79-р сургуулийн хөлбөмбөгийн талбайн хаалга унаж нэг хүүхэд амиа алджээ

2018-06-19

Шархадны эцсийн 79-р сургуулийн хөлбөмбөгийн талбайн хаалганы хөндлөвч төмөр унаж нэг хүүхэд газар дээрээ амиа алдсан харамсалтай осол энэ сарын 18-нд буюу өчигдөр 18.00 цагийн үед гарчээ. Тодруулбал, 79-р сургуулийн тавдугаар ангид сурдаг хүү эмээгээсээ “Хөлбөмбөг тоглочихоод, удахгүй ороод ирье” гэж гуйж гараад удалгүй амиа алдсан байна. Хамт тоглодог хүүхдүүдийн хэлснээр, тус талбайн хөлбөмбөгийн хаалга байнга унадаг байсан бөгөөд унахаар нь буцааж босгоод тоглодог байсан гэв. Харин тус сургуулийн биеийн тамирын багш амиа алдсан хүүгийн эгчид “Бид 14 хоногийн өмнө гагнасан” гэх тайлбарыг өгсөн юм. Энэ хэрэг дээр БСШУЯ-ны ажлын хэсэг ажиллаж байгаа юм байна.

Бид хохирогч хүүгийн эгч Д.Алтантуяаг цагдаагийн байгууллагад мэдүүлэг өгч байхад нь уулзаж зарим зүйлийг тодрууллаа.

“ХӨЛБӨМБӨГИЙН ТАЛБАЙН ХААЛГЫГ 14 ХОНОГИЙН ӨМНӨ ГАГНАСАН ГЭХ ТАЙЛБАРЫГ ӨГЧЭЭ”

-Таныг очиход нөхцөл байдал ямар байсан бэ?

-Намайг очиход дүү маань өнгөрчихсөн. Цагдаа, шүүх эмнэлэг ирээд дүүг маань машиндаа оруулчихсан байсан. Би дүүгээ харж ч чадаагүй. Унасан хаалга, газраар урсах цусыг нь л харсан.

-Та сургуулийн удирлагуудтай уулзсан уу?

-Сургуулийн захирал болон биеийн тамирын багш нь ирсэн. “Ийм осолтой байсан юм бол яагаад янзлаагүй юм бэ, ядаж манаач нь эвдэрчихсэн орж болохгүй гээд оруулахгүй байж болоогүй юм уу” гэхэд биеийн тамирын багш нь “Сургууль амарчихсан байсан. Бид нар 14 хоногийн өмнө гагнасан. Бид зохих журмынхан дагуу шийдвэрлэнэ” гэх тайлбарыг өгсөн. Бид нар одоо цагдаагийн байгууллагад мэдүүлэг өгч байна. Манай дүү спортод их дуртай, тэр дундаа хөлбөмбөгт илүү авъяастай хүүхэд байсан. Сургуулийнхаа хашаанд дуртай тоглоомоо тоглож байгаад харамсалтайгаар амиа алдлаа. Бид нар маш их гомдолтой байна.

-Хүүгийн ээж, аав нь ирсэн үү?

-Ээж нь угаасаа байдаггүй. Хар нялхаар нь хаяад явчихсан. Аав нь ирчихсэн байгаа. Өнөөдөр бүтэн өдөржингөө гэртээ байж байгаад, дөнгөж гараад л ийм харамсалтай юм болчихлоо.

“БИД НАР ИЙМ АЮУЛТАЙ ГЭЖ БОДООГҮЙ”

-Хамт тоглож байсан хүүхдүүдээс нь юу болсон талаар тодруулахад, “Бид нарыг тоглож байхад нэг жаахан хүүхэд /цэцэрлэгийн насны/ ард талын шонгоос зүүгдсэн чинь хаалга уначихсан. Бид нар хараад дуудсан боловч эргэж харж амжаагүй байхад нь толгойн дээрээс нь уначихсан. Тэр талбайн хоёр хаалга хоёулаа байнга унадаг. Бид нар унахаар нь буцааж босгоод л тоглочихдог. Өмнө нь хүүхэд гэмтэж байгаагүй болохоор ийм аюултай гэж бодоогүй” гэсэн юм.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Архийн сарын дундаж орлого 77.7 мянган төгрөгөөр өсчээ
Архи борлуулдаг 100 аж ахуйн нэгжийн зөвшөөрлийг цуцаллаа
Дэлхий нийтийн махны хэрэглээ сүүлийн 50 жилд ГУРАВ дахин нэмэгджээ
С.Мөнхчулуун Ерөнхий сайдын босгыг давсангүй, одоо хэн бэ?
Албаны машинаар зорчигч, ачаа тээвэрлэж байгааг зогсоох үүрэг өгөв
Энэтхэгийн анхны хурдан галт тэрэг эхний аяллынхаа замд эвдэрчээ
“KFC” түргэн хоолны газрын бүх салбарыг хаана
Гол мөрний мөсөн дээгүүр зорчихгүй байхыг анхааруулж байна
Согтуу эмэгтэй нөхөр, дүү хоёроо хөнөөжээ
Болздоггүй хүндээ Валентины баяраар ил захидал зэргийг илгээх нь хүчирхийллийн нэг хэлбэр
О.Пүрэв дэлхийн аваргад өрсөлдөхөөр хүлгийн жолоо залжээ
АНУ-ын ерөнхийлөгч Дональд Трамп албан ёсоор “тарган” ангилалд багтах болжээ
Хар тамхи борлуулагчдын арга нарийсчээ
Шүүхийн ажилтан эд мөрийн баримтаар хураагдсан хар тамхийг худалдаалж байсан нь тогтоогджээ
Г.Марал-Эрдэнэ Монгол Улсаас анх удаа уран гулгалтын төрлөөр дэлхийн томоохон тэмцээнд оролцоно
Экс ерөнхийлөгч юуны учир яаран гарч ирэв?
Христийн шашин сурталчлах үйл ажиллагаа явуулсан төрийн бус байгууллагын зөвшөөрлийг цуцаллаа
Хөдөлмөрийн хөлсний доод хэмжээг 420 мянга болгоно
Цахилгаан менингит өвчнөөр таван хүүхэд өвчилжээ
Мал усгүйдэж, малчид малаа 3-5 км газар тууж худгаас усалж байна