Отгонтэнгэр Их Сургууль чанарын менежментийн тогтолцооны ISO 9001:2015 олон улсын стандартын гэрчилгээгээ гардлаа

2018-06-18

Отгонтэнгэр их сургууль өнөөдөр Засгийн газрын хэрэгжүүлэгч агентлаг Стандарт хэмжилзүйн төвөөс олон улсын ISO9001:2015 стандартын гэрчилгээгээ гардаж авлаа. Хувийн хэвшлийн их сургуулиудаас анх удаа үндэсний стандарт хэмжилзүйн газраар баталгаажуулалт хийлгүүлэн аудитад тэнцэж ISO9001:2015 сертификат авснаар Монгол улсын дээд боловсролын байгууллагуудаас чанарын менежментийг амжилттай нэвтрүүлсэн үндэсний жишиг сургуулиудын нэг боллоо.

Стандарт хэмжилзүйн төвийн Бүтээгдэхүүн тогтолцооны баталгаажуулалтын газрын дарга В.Ганзориг “Хувийн их дээд сургуулиудаас хамгийн анхны ISO9001:2015 гэрчилгээ авч байгаа танай сайхан хамт олонд баяр хүргэе. Одоо та бүхэн азийн хамгийн шилдэг зуун сургуулийн нэг болох үүд хаалга нээгдлээ. Өнөөдөр дэлхийд чанарыг үнэлдэг цорын ганц шалгуур бол "ISO" стандарт болж байна Тиймээс чанарын менежментийн тогтолцоогоо улам боловсронгүй болгож дэлхийд данстай их сургууль болохыг хүсье” гэсэн юм.

Баталгаажуулалтын гэрчилгээг гардаж авах үйл ажиллагаанд ОТИС-ийн ректор доктор Н.Энхзаяа болон бусад удирдлага, багш нар оролцсон.

Жилийн өмнө ISO 9001 олон улсын стандартыг үйл ажиллагаандаа нэвтрүүлэх шийдвэр гарган чанарын үнэлгээний баг байгуулан, төлөвлөх-гүйцэтгэх-шалгах- сайжруулах гэсэн 4 үе шаттай ажлаа эхлүүлсэн. Ингэхдээ гадаад, дотоодын хэрэглэгч, үйлчлүүлэгчдийнхээ санал хүсэлтийг судалж, тэдний сэтгэл ханамжид нийцүүлэх зорилгыг тавьсан юм. “Чанартай боловсрол бидний зорилт” уриатайгаар багш, ажилтан бүрийн үүрэг хариуцлага, идэвх санаачилгыг өрнүүлэн ажилласнаар олон улсын менежментийн тогтолцооны жишиг шаардлагыг сургуулийнхаа сургалт, эрдэм шинжилгээний үйл ажиллагаанд нэвтрүүлж, урьдчилсан болон  анхан шатны аудитад тэнцлээ.

ISO 9001 олон улсын стандартыг нэвтрүүлснээр сургалтын үйл ажиллагаа нээлттэй ил тод болж, хэрэглэгчийн сэтгэл ханамжийг дээшлүүлэн эргэх холбоог сайжруулж, Инноваци мэдлэгийн менежментийг дэмжих, үр дүнд чиглэсэн өөрийн үнэлгээг боловсронгуй болгох ач холбогдолтой юм.

Ийнхүү олон улсад албан ёсоор хүлээн зөвшөөрөгдөх их сургуулиудын нэг Отгонтэнгэр Их сургууль боллоо.

  

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

БНСУ-ын эмэгтэй тамирчин тэшүүрийн спорт дахь бэлгийн дарамтын талаар ярьжээ
Газар дундын тэнгист 170 цагаач сураг алдрав
Дэлхийн хамгийн өндөр настан таалал төгслөө
Онцгой гавьяа байгуулсан ГУРВАН АЛБА ХААГЧИД 16 сая төгрөг олголоо
Арктик дахь Луугийн сонирхол буюу Хойд туйлыг дамнасан шинэ Торгоны зам
Баянгол дүүргийн настан 225 сая төгрөгийн азтанаар тодорчээ
“Насны хишиг”-ийг өнөөдрөөс эхлэн олгож эхэллээ
Б.Анужин: Намайг дэмжсэн Монголынхоо ард түмэнд баярлалаа
Төрийн ордны авто зогсоолд тээврийн хэрэгсэл байрлуулахыг хориглолоо
Македон улсын нэрний өөрчлөлтийг эсэргүүцэж, олон мянган Грекчүүд жагслаа
Удаан хүлээгдсэн Улаанбаатар-Сөүл-Улаанбаатар нислэгийн тийзний үнийг бууруулах тухай хэлэлцээр хийгдэж байна
Гахайн мялзан өвчнөөс сэргийлэх зөвлөмжийг хүргүүллээ
НҮБ-ын гурван ажилтан тутмын нэг нь бэлгийн дарамтад өртөж байсан гэжээ
БОКС: Канело Алварес – Даниель Жэкобс нар тулна
Фэйсбүүк Оростой холбоотой 500 гаруй хаягийг хаажээ
Сандра Буллокийн гол дүрд нь тоглосон "Bird Box" кино ч "Netflix"-ийн орлогыг таамагласан хэмжээгээр өсгөж чадсангүй
2018 онд замын хөдөлгөөний аюулгүй байдлын зөрчил хамгийн их гарчээ
Тэтгэврийн зээлийн хүүг 10 хувь болгон буурууллаа
“Good Price", "Номин" супермаркетууд хугацаа хэтэрсэн бүтээгдэхүүн борлуулж байжээ
Алхалт нь илүүдэл жингээс сэргийлж чадна