2018-06-11
Озон задалдаг бодисын тухай Монреалийн протокол нь озоны давхаргыг хамгаалах асуудлыг хуульчилсан, Монгол Улс болон НҮБ-ын гишүүн орнууд нэгдэн орсон олон улсын гэрээ юм. Хөгжиж буй орнуудын хувьд озоны давхарга болон дэлхийн дулааралд үлэмж нөлөөтэй гидрохлортфторт нүүрстөрөгчийг үе шаттай бууруулснаар түүнийг орлуулах дэлхийн дулааралд нөлөөлөх чадвар (ДДНЧ/GWP) багатай хөргөх бодисын хэрэглээ нэмэгдэж байна. Эдгээр бодисын олонх нь шатамхай, хортой буюу эсвэл өндөр даралтад ажилладаг тул техникийн ажилтнуудад төдийлөн танил биш.
Тиймээс ийм төрлийн хөргөх бодистой хөргөлтийн болон агааржуулалтын төхөөрөмж суурилуулалт, засвар, задаргааг хэрхэн аюулгүй хийх үндэсний хэмжээнд гэрчилгээжүүлэх нэгдсэн тогтолцоо бий болгох шаардлагатай байна.
Иймд засвар үйлчилгээний техникийн ажилтнуудыг гэрчилгээжүүлэх нь хөргөх бодистой харьцдаг ажилтнуудын чадварыг шалгах, тоног төхөөрөмжийн аюулгүй байдлыг хангах, тухайн тоног төхөөрөмжийг ашиглагч, хэрэглэгчдийг аливаа эрсдэлд оруулахгүй байх үр дүнтэй арга юм.
Энэхүү уулзалтыг зохион байгуулснаар хөргөлт, агааржуулалтын засвар үйлчилгээний техникийн ажилтнуудын чадамжийг баталгаажуулах, гэрчилгээжүүлэлтийн тогтолцооны хэрэгцээ, шаардлагын талаар тодорхой ойлголттой болох юм.
Хөргөлт, агааржуулалтын засвар үйлчилгээний хувьд гэрчилгээ гэдэг нь тоног төхөөрөмж, хөргөх бодистой харьцан ажиллаж байгаа ажилтны ур чадвар, хөргөх бодис алдагдахаас сэргийлэх, сайн туршлагыг баталгаажуулах чухал ач холбогдолтой. Энэ нь бодисын алдагдлаас үүдэх байгаль орчны төдийгүй хөдөлмөрийн аюулгүй байдалтай холбоотой асуудал үүсэхээс сэргийлэх зорилготой юм.
ЦАГ АГААР
°C/°C
°C/°C
°C/°C
Төстэй мэдээнүүд