Багш бүсгүй амиа золин хүүхдүүдийг галын аюулаас аварчээ

2018-06-05

Багш бүсгүй амиа золин, хүүхдүүдийг галын аюулаас аварчээ

Кемеровын мөрдөн байцаагчид “Өвлийн интоор” худалдааны төвд гарсан эмгэнэлт явдлын шалтгаан болон гэмт этгээдүүдийг тогтоохоор ажилласаар байгаа ажээ. Тус улсын нийгмийн сүлжээ болон хэвлэл мэдээллийн хэрэгслээр өөрийн амьдралыг үл хайхран, бусдын хүүхдүүдийг галын аюулаас аварч хамгаалсан эгэл жирийн иргэдийн тухай мэдээлсээр байгаа талаар “Вести” уламжилсан байна.

Юуны өмнө хүүхдүүд. Кемеровын 17 дугаар гимназид хүмүүс гадаад хэлний багш Татьяна Дарсалиягийн гэгээн дурсгалыг хүндэтгэн цэцэг өргөсөөр байгаа ажээ. Гуравдугаар сарын 25-ны өдөр багш бүсгүй өөрийн 14 настай Эли охиныхоо хамт “Өвлийн интоор” худалдааны төвд байсан аж. Тэрбээр гал гарах үед охиноо гадагш гаргаад, улмаар кинотеатрт хүүхдүүд байгааг сонсмогцоо шатаж буй худалдааны төв рүү буцаж орсон байна. Бүсгүй хэд хэдэн хүүхдийн амийг аварчээ.

Эцсийн мөч хүртэл хамаатан садан, хамт олон нь эмнэлэгт эмчлүүлж буй Татьянаг амьд үлдэнэ хэмээн найдаж байсан аж. Харамсалтай нь Татьяна Дарсалиягийн нэр амиа алдагсдын нэрийн жагсаалтад бичигджээ. Түүний хичээлээ заадаг ангид одоо гуравдугаар ангийн сурагч охины зурсан “Бид таньдаа маш их хайртай” хэмээх бичиг бүхий зураг өлгөөтэй байгаа талаар “Тавдугаар суваг” мэдээлсэн байна.

ru

Сэтгүүлчид бас нэгэн баатрын нэрийг ил болгожээ. Аз болоход тэрээр амьд үлдсэн байна. ОХУ-ын Онцгой байдлын яамны кадетын корпусын 17 настай сурагч Дима Полухин гурван хүүхдийн амь галын аюулаас аварчээ. Тэрбээр “Би хүүхдүүдээ энд орхиод хаашаа ч явж чадахгүй” хэмээн нэгэн эмэгтэйн хашгирахыг сонсоод шатаж буй барилгын гурван давхарт гарсан байна.

Залуу авчрагч “Комсомольская правда” сонинд “Би түүнд дөхөж очоод хүүхдүүд чинь хаана байгаа вэ гэж асуусан. Тэр айснаасаа болоод өөрийн ухаангүй шахам байсан бөгөөд гараараа заасан зүг рүү нь би явсан. Нэг дэлгүүр, хоёр, гуравдугаар… Хэн ч байгаагүй. Дараа нь хүүхдүүд чарлалдахыг сонссон” хэмээн ярьжээ.

Хүүхдийн дуу гарч буй чигт явахад их утааны улмаас хаана юу байгаа нь мэдэгдэхгүй хэцүү байсан аж. Тэрээр өрөөний буланд гурван хүүхэд уйлж байсныг олжээ. Дима “Би харанхуйд тэмтэрсээр яваад нэг хүүг барьж авсан. Хожим 11 настай болохыг нь мэдсэн. Дараа нь хоёр охиныг захаас нь чирж гаргаж авсан” хэмээн ярьжээ. Тэрээр гурван хүүхдийг ээжид нь хүлээлгэж өгсөн байна.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Согтуу эмэгтэй нөхөр, дүү хоёроо хөнөөжээ
Болздоггүй хүндээ Валентины баяраар ил захидал зэргийг илгээх нь хүчирхийллийн нэг хэлбэр
О.Пүрэв дэлхийн аваргад өрсөлдөхөөр хүлгийн жолоо залжээ
АНУ-ын ерөнхийлөгч Дональд Трамп албан ёсоор “тарган” ангилалд багтах болжээ
Хар тамхи борлуулагчдын арга нарийсчээ
Шүүхийн ажилтан эд мөрийн баримтаар хураагдсан хар тамхийг худалдаалж байсан нь тогтоогджээ
Г.Марал-Эрдэнэ Монгол Улсаас анх удаа уран гулгалтын төрлөөр дэлхийн томоохон тэмцээнд оролцоно
Экс ерөнхийлөгч юуны учир яаран гарч ирэв?
Христийн шашин сурталчлах үйл ажиллагаа явуулсан төрийн бус байгууллагын зөвшөөрлийг цуцаллаа
Хөдөлмөрийн хөлсний доод хэмжээг 420 мянга болгоно
Цахилгаан менингит өвчнөөр таван хүүхэд өвчилжээ
Мал усгүйдэж, малчид малаа 3-5 км газар тууж худгаас усалж байна
Филиппиний ерөнхийлөгч Дутерте улс орныхоо нэрийг солих хүсэлтэйгээ илэрхийлжээ
Их хэмжээний хар тамхи тээвэрлэж явсан этгээдүүдийг баривчлав
Хүмүүнлэгийн тусламжаас татгалзсан Венесуэлийн ерөнхийлөгчийн үйлдэл АНУ-ыг бухимдуулав
Тувагийн талд шилжсэн Монгол цэргийн амь
Галзуу өвчний эрсдэлд өртсөн 29 тохиолдол бүртгэгджээ
“Хүүхдийн бэлгийн хүчирхийллийн талаар ярих тусам тохиолдол нь нэмэгдэж байна”
Саалийн үнээний тэжээлийн тунг хэтрүүлэн өгснөөс найман морь үхсэн гэв
Баярын өдрүүдэд цагдаагийн байгууллагад 11268 дуудлага бүртгэгджээ