2018-05-23
Төв Америкийн орнуудын иргэд хүчирхийлэл, дарамтаас зугтаж олноор дүрвэх, цагаачлах болсон нь гамшгийн түвшинд хүрснийг НҮБ зарлаж, олон улсын хамтын нийгэмлэгийг анхаарлаа хандуулахыг уриалжээ.
Энэ бүс нутгаас дүрвэгчдийн тоо 2011 онд 18,000 байсан бол 2017 оны сүүлээр 294,000 болж өссөн тухай НҮБ-ын дүрвэгсдийн агентлаг мэдээлсэн байна.
Зөвхөн өнгөрсөн онд энэ тоо 58 хувиар нэмэгджээ. Мөн эдгээр орноос цагаачлах хүсэлт гаргагч иргэдийн тоо 2011-2017 онд 350,000 хүрсний 130,500 нь зөвхөн өнгөрсөн оных байна.
Тэдний дүрвэх, цагаачлах болсон шалтгаан нь орон нутаг дахь аллага, гэмт хэрэг нэмэгдсэнтэй холбоотой гэнэ. Өнгөрсөн онд дэлхийн хамгийн их аллагатай 50 хотыг зарлахад дөрөв нь Төв Америкийн хотууд байсан юм.
Дүрвэгчдийн ихэнх нь Гондурас, Сальвадор улсуудаас ирсэн бол Гватемалын дүрвэгчдийн тоо өнгөрсөн оноос эрс нэмэгджээ.
Мексик улс өмнө нь дүрвэгчдийн дамжин өнгөрөх улс болдог байсан бол одоо оршин суухыг хүсдэг улс болоод байгааг НҮБ-ын дүрвэгсдийн агентлагийн төлөөлөгч Франческа Фонтанини мэдэгдсэн байна.
Мексикт орогнол хүссэн Төв Америкчуудын тоо 2016 онд 9,000 байснаа 2017 онд 14,000 болж өсчээ.
Эх сурвалж: The Guardian
ЦАГ АГААР
°C/°C
°C/°C
°C/°C
Төстэй мэдээнүүд