Элсэлтийн ерөнхий шалгалтын /ЭЕШ/ бүртгэл дуусахад долоо хоног үлдлээ. Өнгөрсөн хоёрдугаар сарын 05-ны өдөр орон даяар эхэлж, энэ сарын 16-ны өдөр дуусах шалгалтын бүртгэл ажил хангагдаж байгаа талаар Боловсролын үнэлгээний төвийн Элсэлтийн шалгалт хариуцсан ахлах мэргэжилтэн М.Болдсайхан “Энэ жил 12 дугаар ангийг 42 мянга орчим хүүхэд төгсөнө. Мөн өнгөрсөн жилийн төгссөн, дахин шалгалт өгөхийг зорьж байгаа хүүхдүүдтэй нийлээд 45 мянга орчим хүүхэд элсэлтийн ерөнхий шалгалтад орох байх гэсэн урьдчилсан тооцоо гаргасан. Бэлтгэл ажил хангагдсан, бүртгэлийн явц ойролцоогоор 70 хувьтай явагдаж байна. Энэ жил элсэлтийн материал задарна гэсэн ойлголт байхгүй” гэлээ.

Дашрамд сануулахад, өнгөрсөн жилийн ЭЕШ-ийн материал задарч, асуудал болж байсан учраас энэ жил ийм асуудал гаргахгүй байх талаар анхаарч ажиллахаар болжээ.