Зав сиймхий хайх нь залхуу зангийн нөхөр

2018-04-02

Ном уншигчдын груп дээр хоёр ч хүн "Эзгүй арал руу нэг ном авч яв гэвэл 3 улсын үлгэр романыг авч явах болно. Одоо эхлүүлсэн хэдий ч зав зайн боломжгүй болохоор олигтой явж чадахгүй байна." хэмээн бичжээ. Шулуухан хэлэхэд тийм бодолтой хүмүүс айхтар их зав чөлөөтэй болоод эзгүй арал дээр ганцаараа очлоо ч учиргүй айхтар хувираад гялалзтал уншаад явчих нь юу л бол?

Цэндийн Дамдинсүрэн гуай Гэсрийн туужийн тухай эрдмийн зэрэг давчуу хугацаанд хамгаалах хэрэгтэй болоод Төвд хэлийг ердөө 14 хоногийн дотор сураад тэр зүгийн судрыг төвөггүй уншдаг болсон тухай өөрөө хуучилж байсныг аав маань надад сонирхуулан ярьдагсан. Аминдаа бүтэлгүй үр намайгаа хурцлах санаатай байсан байх л даа.

Манай Лу багш маань ч гэсэн Чех улсад ажиллахаар буурал европ хүрэх ес хоногийн хугацаанд галт тэргэн дотор Чех хэлийг уйгагүй нухсаар тосон авсан хүмүүстэй тухайн хэлээр мэнд усаа мэдэлцээд төвөггүй харилцаад явчихсан тухай манай хэл шинжлэлийн хүрээнийхэн ам дамжуулан ярьдаг л юм.

Сүүлийн үед намайг сүүдрээс минь өөрцгүй дагаж сүүлнээс дутуугүй дүүжлэгдэх нь холгүй дагах болсон Ганпүрэв шавь маань хүмүүсийн халгаж ядаад байгаа "Гурван улсын үлгэр", "Усан хөвөөний шастир", "Баруунш зорчсон тэмдэглэл" зохиолыг монгол бичиг, кирил үсэг, хятад хэл дээр ер нь л гайгүй сайн нухаж уншдаг болсон шүү. Овоо дамшиг юм гээд түүнийг магтах гэтэл. . . . . . .

Бид хоёр нэг удаа ажил хэргийн шугамаар "Цогт цагийн хүрдэн" шашин соёлын төв дээр очтол нэг залуу лам Ганжуурын модон барын эхийг монгол хэл дээр гайхамшигтай тод, уран яруу дуржигнуулан уншиж байгааг хараад гайхах, бахдах, бас хөнгөн атаархах сэтгэл төрж билээ. Муу шавийгаа энэ зүгт бэлдэх юм байна даа гэж багшийн хувьд санаа сэдэл төрсөн.

За тэгээд өөрийн үзэж харсан, сонсож дуулсан Монгол соёлын холбогдол бүхий энэ мэт сонин хачныг хүүрнээд байвал дуусашгүй юм болж мэднэ.

"Зав сиймхий хайж том ажил бүтээх гэвэл залхуу зангийн шадар нөхөр байж мэдэхийг" энэ бичлэгийн эцэст дахин дурдсу.

Сэтгэгдэл үлдээх

ЦАГ АГААР

  • Пүрэв
    -10°C/-20°C
  • Баасан
    -11°C/-20°C
  • Бямба
    -12°C/-20°C

Төстэй мэдээнүүд



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

НҮБ цагаачлалын тухай гэрээг баталжээ
Шалгуулах нь шалгуулаад цагаадах нь цагаадаад нэг талдаа гаръя
Албан тушаалтнуудын ХОМ-ийг бүртгэх бэлтгэл ажил эхэллээ
“Зайсан хилл”-д шинэ жилээ тэмдэглэсэн "НВЦ" компанийн 100 гаруй ажилчин хорджээ
Сэргээш хэрэглэсэн нь тогтоогдсон бөхчүүдийн улсын наадамд барилдах эрхийг хоёр жилээр хаслаа
Газрын тос боловсруулах үйлдвэрийн төмөр замыг хугацаанд нь барихаар УБТЗ шамдаж байна
Францын Страсбург хотод зэвсэгт халдлага гарч дөрвөн хүн амиа алдлаа
Энэ долоо хоногт гурван хүнд элэг шилжүүлэн суулгана
Г.Ууганбаатар: Монголынхоо нэрийг дэлхийд гаргасан “алгын чинээхэн” охиноороо бахархаж байна
Эмчээс ёс суртахуун нэхдэг мөртлөө үнэндээ таны ёс зүй, хүн чанар, хүнлэг байдал хаана байна?
ОПЕК: Газрын тосны гарцыг өдрийн 1.2 сая баррелиар танана
Отгонтэнгэр их сургууль Үндэсний хэмжээний илтгэлийн тэмцээнийг амжилттай зохион байгууллаа
Өмнөд Солонгост таксины шинэ үйлчилгээг эсэргүүцсэн жолооч өөрийгөө шатаажээ
Талууд хамтран ажиллах санал солилцов
“Huawei”-ийн захирал 30 жилийн ял авч магадгүй
Хаалгаа цоожилж, гэр бүлийн хүчирхийлэл үйлджээ
УБЦТС-ын захирал Д.Баярсайхантай хэзээ хариуцлага тооцох вэ?
Саудын Араб сэтгүүлчийн аллагын аудио бичлэгт хөрөөний дуу сонсогдож байгааг CNN мэдээлжээ
“Сансарын “KFC” хоолны газар буу гаргаж танхайрсан этгээдийг шалгаж байна
ЕБС-ийн ахлах ангийн сурагчдын дунд хамгийн өндөр шагналтай үндэсний илтгэлийн тэмцээн эхэллээ