ОУВС: Төрийн албан хаагчдын цалинг нэмэхэд анхаарна

2018-03-29

Монголын Засгийн газар Олон улсын валютын сангийн “Өргөтгөсөн санхүүжилтийн  хөтөлбөр”-т хамрагдаад жил болж байна.  ОУВС-гийн захирлуудын зөвлөлөөр хэрэгжилтийг хэлэлцээд, гурав дахь шатны санхүүжилтийг баталж, 30.55 сая ам.доллар олгохоор шийдвэрлэсэн талаар  тус сангийн Монгол дахь суурин төлөөлөгч Нэйл Сакер мэдээллээ. Тус сан хөтөлбөр хэрэгжих гурван жилийн хугацаанд  нийтдээ 434.3 сая ам.долларын санхүүжилтийг Монгол Улсад олгох юм. Мөн Дэлхийн банк, Азийн хөгжлийн банк, Япон, БНСУ, Хятадын Засгийн газар хөтөлбөрийн хүрээнд хөнгөлөлттэй зээл олгож байгааг мөн дурдлаа.


ОУВС-ГИЙН СУУРИН ТӨЛӨӨЛӨГЧ НЭЙЛ САКЕР:

-Монгол Улсын эдийн засгийн өсөлт эргээд сэргэсэн. Хөтөлбөрийн хүрээнд ОУВС болон Засгийн газар хамтран төсвийн алдагдлыг бууруулах, мөн  гадаад валютын нөөцийг нэмэгдүүлэхэд анхаарч ажилласан

Гэхдээ хөтөлбөрийн хүрээнд хийхээр төлөвлөсөн татварын нэмэгдлүүдийг эргэн харах шаардлагатай болсон бөгөөд зарим нэг шинэчлэл хойшилсон, Монголын гадаад өрийн хэмжээ өндөр байгааг ОУВС-гаас анхааруулав. Монгол Улс өргөтгөсөн санхүүжилтийн хөтөлбөрт тавьсан шаардлага, зорилтуудыг сайн биелүүлж байгаа, эдийн засгийн өсөлт төлөвлөж байснаас хурдан сэргэж,  төсвийн орлого нэмэгдэж, хяналт сайжирсан. 2018 оны эхний хоёр сарын байдлын статистик үзүүлэлтээр улсын төсвийн тэнцвэржүүлсэн нийт тэнцэл 73.1 тэрбум төгрөгийн ашигтай гарсан нь 2013 оноос хойших анхны тохиолдол юм. Үүнд татварын нийт орлого өмнөх оны мөн үеэс 29.1 хувиар өссөн нь голлон нөлөөлсөн байна. Төсвийн орлогыг нэмэгдүүлэх тал дээр Монголын Засгийн газар татварын реформ хийхээр төлөвлөж байгаа. Үр дүнгүй зардлуудыг танах, нөгөө талдаа шаардлагатай санхүүжилтийг өсгөх, төрийн албан хаагчдын цалингийн асуудал, дэд бүтэц, сургууль эмнэлгийн асуудал анхаарлын төвд бий “Эдийн засагт гарсан энэ нааштай үзүүлэлтүүдийг цааш нь үргэлжлүүлээд авч явахад Монголын Засгийн газраас багагүй ажил шаардагдаж байна. Төсвийн зарлагаа Засгийн газар хянаж явах хэрэгтэй. Гэхдээ Монголын эдийн засаг уул уурхайн түүхий эдээс хамааралтай хэвээр, өрийн хэмжээ өндөр байна.

Өнгөрсөн онд инфляци тэгтэй байсан. Сүүлийн үед бага багаар нэмэгдэж дундаж төвшинд дөхөж очсон. Төв банк бодлогын хүүгээ 10 хувь болгосон.  Хүүгийн бодит төвшин хоёр хувьтай байна. Бодит хүүгийн төвшин буурч эхлэхээр эрсдэлийн төвшин буурч, гадаад валютын ханш тогтворжиж байна. Зээлийн хүүг бууруулах асуудал хүчтэй яригдаж байна. Зээлийн хүүг бууруулахын тулд банкууд хүчирхэг байх ёстой. Инфляци нам төвшинд байх шаардлагатай.

Эх сурвалж: NEWS.MN

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

БНСУ-ын эмэгтэй тамирчин тэшүүрийн спорт дахь бэлгийн дарамтын талаар ярьжээ
Газар дундын тэнгист 170 цагаач сураг алдрав
Дэлхийн хамгийн өндөр настан таалал төгслөө
Онцгой гавьяа байгуулсан ГУРВАН АЛБА ХААГЧИД 16 сая төгрөг олголоо
Арктик дахь Луугийн сонирхол буюу Хойд туйлыг дамнасан шинэ Торгоны зам
Баянгол дүүргийн настан 225 сая төгрөгийн азтанаар тодорчээ
“Насны хишиг”-ийг өнөөдрөөс эхлэн олгож эхэллээ
Б.Анужин: Намайг дэмжсэн Монголынхоо ард түмэнд баярлалаа
Төрийн ордны авто зогсоолд тээврийн хэрэгсэл байрлуулахыг хориглолоо
Македон улсын нэрний өөрчлөлтийг эсэргүүцэж, олон мянган Грекчүүд жагслаа
Удаан хүлээгдсэн Улаанбаатар-Сөүл-Улаанбаатар нислэгийн тийзний үнийг бууруулах тухай хэлэлцээр хийгдэж байна
Гахайн мялзан өвчнөөс сэргийлэх зөвлөмжийг хүргүүллээ
НҮБ-ын гурван ажилтан тутмын нэг нь бэлгийн дарамтад өртөж байсан гэжээ
БОКС: Канело Алварес – Даниель Жэкобс нар тулна
Фэйсбүүк Оростой холбоотой 500 гаруй хаягийг хаажээ
Сандра Буллокийн гол дүрд нь тоглосон "Bird Box" кино ч "Netflix"-ийн орлогыг таамагласан хэмжээгээр өсгөж чадсангүй
2018 онд замын хөдөлгөөний аюулгүй байдлын зөрчил хамгийн их гарчээ
Тэтгэврийн зээлийн хүүг 10 хувь болгон буурууллаа
“Good Price", "Номин" супермаркетууд хугацаа хэтэрсэн бүтээгдэхүүн борлуулж байжээ
Алхалт нь илүүдэл жингээс сэргийлж чадна