2018-03-28
Хятадын Шиань хотод улаан гэрлээр гарсан явган зорчигч нарыг барих зорилгоор царай таних технологи ашиглаж эхэлжээ. Баруун хэсэг орших Шэньси мужийн нийслэл Шиань хотын цагдаагийн газраас эхний ээлжид нийт 10 ширхэг царай таних системийг гарц дээр байршуулсан аж.
Өндөр нягтралтай камер, газарт суурилсан мэдрэгч, царай таних технологийн тусламжтай систем нэгэн зэрэг дөрвөн гэрэл зураг авч, улаан гэрлээр гарч буй этгээдийг шууд тухайн мөчид таних чадалтай юм байна.
Ингээд улаан гэрлээр гарч яваад баригдсан хүмүүст замын хөдөлгөөний аюулгүй байдлын тухай хичээл орж, 20-50 юань буюу 7500-19000 төгрөгөөр торгож, нийгмийн оноонд нь нөлөөлөх аж. Үүгээр зогсохгүй зарим хүмүүсийн зургийг гарцны дэргэдэх самбарт томоор харуулах юм байна.
Хотын иргэдийн олонх нь шинэ системийн ачаар улаан гэрлээр зам хөндлөн гардаг хүмүүс цөөрнө хэмээн итгэж байгаа аж. Үүнтэй ижил царай таних технологид суурилсан улаан гэрлээр явдаг хүмүүсийг таних зориулалттай системийг 2017 оноос хойш Шандун, Жиансу, Гуандун зэрэг хотуудад ашиглаж эхэлжээ.
Эх сурвалж: Xinhua
ЦАГ АГААР
°C/°C
°C/°C
°C/°C
Төстэй мэдээнүүд