2018-03-07
Эрдэнэт үйлдвэрийн Авто тээврийн байгууллагынхан өнгөрсөн онд техникийн шинэчлэлд түлхүү анхаарсан бол энэ жил хяналт тохируулгын ажилд илүү анхаарч ажиллахаар төлөвлөжээ. Мөн Герман улсын дэлхийд алдартай “ТIР-ТОР” фирмийн резин дугуй засварлах технологи, авто машины хөдөлгүүрийг ашиглалтын нөхцөл дэх аливаа зөрчлөөс урьдчилан сэргийлэх, хөдөлгүүрийн нөөц бололцоог дээд зэргээр ашиглахад анхааран ажиллаж байна.
Тус цех нь технологийн тээвэр, төрөл бүрийн маркийн автомашины, тусгай зориулалтын машин механизмын гэсэн үндсэн гурван хэсэгтэй. Эдгээр хэсгүүдийн авто машинд үйлчлэх авто засварын гурван газартай, Нийт 830 гаруй ажилчидтай юм. 130 тоннын даацтай БелАЗ-75131 Маркийн хүнд даацын авто өөрөө буулгагчаас эхлээд суудлын авто машин хүртэл төрөл бүрийн маркийн 290 гаруй хөдлөх бүрэлдэхүүнтэйгээр уулын цул тээвэрлэх, үйлдвэрийн ажиллагсдыг зөөх, зам талбай засварлах, цэвэрлэх, хаягдлын аж ахуйн далан хийх, үйлдвэрлэлийн шаардлагатай ачаа, бараа материал тээвэрлэх ажлыг гүйцэтгэж байна.
ЦАГ АГААР
°C/°C
°C/°C
°C/°C
Төстэй мэдээнүүд