Тесла компани өнгөрсөн долоо хоногт 2017 оны дөрөвдүгээр улирлын орлогын тайлангаа дэлгэлээ. Компани 3,3 тэрбум ам. долларын орлоготой, 675 сая ам. долларын алдагдалтай ажилласан байна.

Гэсэн хэдий ч Тесла судалгаа, хөгжүүлэлтээ зогсоогоогүй бөгөөд компанийн гүйцэтгэх захирал Элон Маск “3-6 сарын дараа Теслагийн машинууд Америкийн нэг эргээс нөгөө эрэг хүртэл өөрийгөө жолооддог болно” гэжээ.

Анх 2016 оны аравдугаар сард Маск ингэж амлаж байв. Гэвч Теслагийн машинуудад өөрийгөө жолоодох системийг хөгжүүлж байсан Mobileye компанитай хамтын ажиллагаагаа зогсоосноор дахин бүхнийг өөрсдөө хийж эхэлсэн юм.

Харин одоо компани итгэлтэйгээр хугацаа хэлж байгаа төдийгүй хэрэглэгчдэд санал болгож эхлэхээр төлөвлөж байгаа аж.

Эх сурвалж: TechCrunch