1980 оноос хойш төрсөн Японы насанд хүрэгчдийн биеийн дундаж өндөр буурч эхэлжээ

2018-02-13

Сүүлийн 100 жилийн хугацаанд Японы насанд хүрсэн иргэдийн биеийн өндөр дунджаар 15 см өссөн гэсэн тоо бий. Гэвч 1980 он ба түүнээс хойш төрсөн иргэдийнх нь биеийн дундаж өндөр эргэн буурч эхэлснийг саяхны судалгаа харуулжээ.

Токио хотын Хүүхдийн Хөгжил, Эрүүл мэндийн Үндэсний Төвийнхөн 3.15 сая насанд хүрсэн иргэдийн мэдээлэл дээр шинжилгээ хийсний эцэст ийм дүгнэлт гаргасан байна. Мөн буурсан шалтгаан нь шинээр мэндэлсэн хүүхдүүдийн биеийн жин буурч байгаатай холбоотой гэж таамаглажээ.

Японы шинээр мэндэлсэн хүүхдүүдийн дотор 2,500 граммаас бага жинтэй хүүхдийн хувь хэмжээ нэмэгдэж байгаа юм байна. 1978, 1979 онд төрсөн иргэдийн биеийн дундаж өндөр Япончуудын хувьд дээд үзүүлэлт болж байгаа гэнэ. Эдгээр онуудад төрсөн иргэдийн дундаж өндөр эрэгтэйчүүдийн хувьд 171.46 см, эмэгтэйчүүдийн хувьд 158.52 см байдаг ажээ.

Харин 1996 онд төрсөн эрчүүдийн дундаж өндөр 170.82 см, эмэгтэйчүүдийнх 158.31 см болж буурсан байна. 1980 он ба түүнээс хойш мэндэлсэн хүүхдүүдийн төрөх үеийн биеийн жин тогтмол буурсантай энэ нь хамааралтай байгааг тогтоожээ.

1970-аад оны сүүлээр бага жинтэй мэндэлсэн нярайн эзлэх хувь 5.1 хувь байснаа 2007 онд 9.7 хувь болж нэмэгдсэн байна. Өмнө хийгдэж байсан өөр нэг судалгаагаар төрөх үеийн бага жин нь тухайн хүний биеийн өндөрт нөлөөлдгийг баталж байсан юм. Өөрөөр хэлбэл бага жинтэй төрсөн хүүхэд насанд хүрэхдээ намхан хүн болдог гэнэ.

Эх сурвалж: Japan Today

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Согтуу мотоциклийн жолооч хоёр хүүхдийг хүнд гэмтээжээ
Хөлбөмбөгийн фанатууд багаа дэмжих гэж биш ПИВО уух гэж асарыг зорьдог
Агуйгаас тав дахь хүүхдийг гаргажээ
"Хүн ам, хөдөлмөр нийгмийн хамгааллын салбарт ажиллагсдын 65.3% нь эмэгтэй, 34.7% нь эрэгтэй"
“E-mart” орчмын борооны ус зайлуулах шугамын ажил наадмын өмнө дуусна
Түрүү бөхийг “Ланд крузер-200” автомашинаар шагнана
Хилээр 170 ширхэг гар утас нуун оруулсныг илрүүлжээ
Машинаа ухраахдаа ач охиноо дайрч, аминд нь хүрчээ
Японы дарс үйлдвэрлэгч хосыг Францаас явуулахыг иргэд эсэргүүцжээ
"Гудамжны халдлага" буюу охидыг айлгадаг бүдүүлэг зан
Зорилготой бүсгүйчүүдийн зоригийг битгий мохоогоорой
Ах дүү хоёр зайрмаг авах гэж гараад эргэж ирсэнгүй
Жүжигчин Ц.Цэрэнболд Карпатын ууланд тулалдана
Германы инженер гар утасны “аюулгүйн дэр”-ийг худалдаанд гаргана
Долдугаар сарын 9,10-нд бүх нийтээр амрахыг дэмжсэнгүй
Оны эхний таван сарын байдлаар 1353 хүүхэд зам тээврийн осолд өртжээ
Монголбанкны зургаадугаар сард худалдан авсан алтны хэмжээ өсөв
Нийтийн тээврийн зарим чиглэлд түр хугацаанд өөрчлөлт орууллаа
Хил дээр тусгаарлагдсан хүүхдүүд эцэг эхтэйгээ уулзлаа
Д.Оюунхорол: МАН-ын бүлэгт фракц бүлэглэл байхгүй