Нийслэлд салхинцэцэгийн өвчлөл БУУРАХГҮЙ байна

2018-02-12

Нийслэлийн хэмжээнд 2018 оны эхний сарын байдлаар салхинцэцэг өвчний 614 тохиолдол бүртгэгдэж, өвчлөл буурахгүй байна. Иймээс иргэд, сургууль, цэцэрлэгийн эмч, багш нарт дараах мэдээлэл, зөвлөмжийг өгч байна.

Салхинцэцэг гэж юу вэ?

  • Бага зэргийн халууралт бүхий арьсан дээр толбон тууралт гарч улмаар цэврүүт тууралт болдог вирүсийн шалтгаант халдвар, хордлогын шинжтэй цочмог түгээмэл халдварт өвчин юм. 

Хэн өвчлөх вэ?

  • Ихэвчлэн бага насны хүүхэд өвчлөх боловч бас насанд хүрэгчид өвдөж болно.

Халдвар хэрхэн дамжих вэ?

  • Вирүсээр үүсгэгддэг учир дэгдэмхий, агаар дуслын замаар, хүнээс хүнд халдвар дамжина.

Илрэх шинж тэмдэг?

  • 37.5 - 39 хэм хүртэл халуурах
  • Толгой өвдөх
  • Хоолны дуршил буурах зэрэг ерөнхий халдварын шинжүүд тууралт гарахаас 1-2 хоногийн өмнө илэрч эхэлдэг.
  • Арьсан дээр эхлээд толбон, гүвдрүүт, улаан тууралт гардаг. Аажмаар томорч 2-3 хоногийн дараа шингэн агуулан цэврүүтэж, ойролцоогоор 5 орчим хоногийн дараа хагарч, хонхорхой   үүсч тав тогтдог, тав нь ховхорч соривжилт үүсдэг. Тууралт гарахдаа эхлээд нүүр, их биеээр гарч цаашлан амны салст болон бүх биеэр тархдаг.

Хэдий хугацаанд халдвартай байх вэ?

  • Нууц хугацаа нь 11-21 хоног
  •  Халдвар авсан эхний өдрөөс сүүлийнтууралт гарсанаас хойш 5 хоногийн хугацаанд халдвартай байна. 

Хүндрэл гардаг уу?

  • Тууралт нь загатналт ихтэй учир бага насны хүүхэд маажиж хоёрдогчоор халдварлаж, тууралт идээлж улмаар дархлал суларсан хүүхдийн арьсан дээр буглаа үүсч болно.

Өвчилсөн тохиолдолд авах арга хэмжээ:

  • Шинж тэмдэг илэрсэн тохиолдолд Өрхийн эмчдээ үзүүлж, эмчилгээ, зөвлөгөө авах шаардлагатай,
  • Хөнгөн тохиолдолд Өрхийн эмчийн хяналтанд гэрээр эмчилнэ,
  • Халдварлах хугацаа урт, үүсгэгч вирүс нь маш их дэгдэмхий учир өвчилсөн хүүхдийг сургууль, цэцэрлэгт нь явуулалгүй гэрийн нөхцөлдхалдвартай хугацаа дуустал тусгаарлах.

Гэрийн нөхцөлд:

  • Эмчийн зөвлөсөн эмчилгээний дэглэмийг мөрдөх,
  • Хүүхдийг өдөр бүр эсвэл өнжөөд усанд оруулах,
  • Амаар шингэн зүйл сайн уулгах,
  • Хэрэв бэлэг эрхтэн орчим тууралттай байвал бэлэг эрхтнийг цэвэр усаар угааж вирүсийн эсрэг тос түрхэх,
  • Амны хөндийн салст бүрхүүлд гарсан цэврүүт тууралт нь амархан хагарч шархлаа үүсэх, шарх нь идээт өнгөртэй болдог учир хоол идсэний дараа амны хөндийг тогтмол буцалсан усаар, өдөрт 2-3 удаа тамедины уусмалуудаар зайлах,
  • Дархлааг дэмжих,
  • Шим тэжээллэг, илчлэг сайтай бантан, ногооны зутан зэрэг шингэц сайтай хоол өгөх,
  • Гэрт хлор агуулсан уусмалаар чийгтэй цэвэрлэгээ өдөр бүр хийх,
  • Агаарын бохирдол бага үед гэртээ агаар оруулах.

Хэзээ яаралтай эргэж эмчид үзүүлэх вэ?

  • Хүүхдийн халуун буурахгүй, тогтмол халуурах, толгой хүчтэй өвдөх, толгойгоо савчих, уйлагнаж, тайван биш болох, чанга хуцуулж ханиалгах, хүүхдийн амьсгал хяхтнах зэрэг шинж тэмдэг илэрвэл заавал эрүүл мэндийн байгууллагад хандах шаардлагтай.

Урьдчилан сэргийлэлт:

Эцэг эх асран хамгаалагч нар хүүхдийнхээ:

  • Хоолой залгиурыг нь давс болон содын уусмалаар зайлуулах,
  • Гарыг нь тогтмол савантай бүлээн усаар угаах,
  • Хүүхдийг эрүүлжүүлэх, дархлааг нь дэмжих витаминаар баялаг хоол хүнс хэрэглэх,
  • Цэвэр агаарт тогтмол гаргаж байх 

Сургууль, цэцэрлэгийн эмч, багш нар:

  • Ангиас 1 хүүхэд өвдөхөд бусад хүүхдийн эцэг эх, асран хамгаалагч нарыг урьдчилан сэргийлэх мэдээ, мэдээллэээр хангах,
  • Өвдсөн хүүхдийн халдвартай үе дуустал сургууль, цэцэрлэгээс чөлөөлөх, бусад эрүүл хүүхдүүд дунд оруулахгүй байх,
  • Өвчлөл гарсан талаар харьяалагдах эрүүл мэндийн байгууллагад хандах, мэдээлэх, голомтонд ариутгал халдваргүйтгэлийн арга хэмжээг авах хэрэгтэй.

Эх сурвалж: НЭМГ

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Хан-уул дүүрэг хөгжлийн бэрхшээлтэй хүүхэдтэй эцэг эхчүүдийн өдөрлөг зохион байгууллаа
Дэлхийн хамгийн жижиг бас хамгийн том морьтой танилц
Хэрэв энэ төсөл батлагдвал Эрүүгийн хууль ингэж өөрчлөгдөнө
“Нийтийн эзэмшил-Нийгмийн хариуцлага” аяныг эхлүүллээ
Баяр наадмын Ерөнхий найруулагчаар Н.Наранбаатар ажиллана
Дональд Трамп Ким Чен Унтай хийх уулзалтаа цуцаллаа
М.Ууганбаяр: Халуун усыг удаан хугацаагаар таслахгүйгээр засварын ажлаа хийнэ
21-р зууны хамгийн чухал сорилт бол ХЭРЭГЛЭЭГЭЭ БАГАСГАХ
Хувьчлагдах төрийн өмчит 27 компани
"Мансууруулах бодис хэрэглэж, гэмт хэрэгт холбогдож буй хүмүүсийн тоо өсөх хандлагатай байгаа"
Монгол улс "ӨРСӨЛДӨХ ЧАДВАР"-ын үзүүлэлтээр 63 улсаас 62 дугаарт бичигдэв
Korean Air компанийн өв залгамжлагч хууль зөрчин гэрийн үйлчлэгч ажиллуулж байсан хэргээр байцаагдана
Монголын Үндэсний бөхийн холбооныхон дахин хуралдах хүсэлт тавьжээ
Нийслэлийн ЕБС-ийн 8-р ангийн сурагчид хог хаягдлын менежментийн боловсрол олгох сургалтад хамрагдаж, “НОГООН ПАСПОРТ”-тай боллоо
Төрийн албан хаагчдын ажлын цаг бол нийтийн өмч юм
Чуулганаар Үндсэн хуулийн цэцийн гишүүнийг томилох асуудлыг хэлэлцэнэ
Гүржийн Точиношин башёг тэргүүлж байна
Алба хаагчийн дүрэмт хувцасны стандартыг шинэчлэн батлууллаа
Эмч нарын суулт ОУВС-ийн гадаа үргэлжилж байна
Таж Махал нянд идүүлж байна