2018-02-07
Оросын иргэн Пётр Левашовыг кибер гэмт хэрэгт буруутган Испаниас АНУ-д шилжүүлсэн билээ. Тэгвэл Оросын дипломат албаныхан түүний хуулийн дагуух эрхийг хамгаалж, хоригдож буй нөхцөл байдлыг нь сайжруулахыг шаарджээ. Нью-Йорк дахь Оросын Ерөнхий консулын газраас мэдээлснээр Левашовт гадаа гарах боломж байхгүй, эмч нарын бичиж өгсөн ханиадны эмийг нь өгөөгүй аж.
Пётр Левашов шоронгийн нөхцөл байдал нь маш хэцүү байгаа талаар гомдол мэдүүлж байсан гэнэ. Түүнийг гэрэлгүй өрөөнд хорьж, цаг болон бусад энгийн эд зүйл байхгүй, 1 см зузаантай гудсан дээр маш их дуу чимээн дунд амрах боломжгүй байгаа аж.
Левашов өнгөрсөн оны дөрөвдүгээр сард Испанийн Барселонад байхдаа баривчлагдсан билээ. АНУ түүнийг гурван жилийн турш америкчуудын компьютерт нэвтэрч, кибер гэмт хэрэг үйлдсэн гэж буруутгаж байгаа аж.
ЦАГ АГААР
°C/°C
°C/°C
°C/°C
Төстэй мэдээнүүд