Н.Цэрэнбат: Монголчуудын байгалиа хамгаалах уламжлал, ухамсрыг сэрээх хэрэгтэй

2018-02-03

БОАЖ-ын сайд Н.Цэрэнбат Монголын бурхан шашны хийдүүдийн тэргүүнийг хүлээн авч уулзаж, байгаль орчноо хамгаалахад ард иргэдийг уриалахад хамтарч ажиллахыг хүслээ. Уулзалтад Гандантэгчэнлин хийдийн Да лам Х.Бямбажав, Зүүн хүрээ Дашчойлин хийдийн хамба лам Ч.Дамбажав, Түвдэнпэлжээлин хийдийн хамба лам Ж.Гончигсүрэн, Дэчинравжаалин хийдийн хамба лам М.Хүрэлцэнд, Жавзандамба хутагт төвийн багш, гавж Д.Нямсамбуу, Гандантэгчэнлин хийдийн Байгаль орчин хариуцсан ажилтан, Мамба дацан хийдийн ловон лам Д.Амарболд, Гандантэгчэнлин хийдийн Хэвлэл мэдээлэл, олон нийттэй харилцах албаны ажилтан Ж.Одгарьд нар хүрэлцэн ирсэн юм.

Уулзалтын эхэнд Н.Цэрэнбат сайд “Та бүхэнтэй өнөөдөр 3 шалтгааны учраас уулзаж байна. Ард иргэдээ байгаль эх дэлхийгээ хамгаалах, зан үйл үйлдэж байгаа нэрээр бохирдуулахгүй байх уриалгыг та бүхэн маань олон нийтэд хэлж, ойлгуулах хэрэгтэй байна. Би саяхан хөдөө явахдаа байгаль хамгаалагч нартайгаа овоо цэвэрлэлээ. Алслагдмал бараг хүн очддоггүй гэсэн овоон дээрх бүтэн мөнгийг цуглуулахад 19 000 төгрөг, урагдсан нь 32 000 төгрөг болж байна билээ. Байгаль хамгаалагчид маань иргэдийн сүсэг бишрэлдээ зориулсан хадагнаас эхлээд ууц, сүүний хайрцаг зэргийг баяр болгоны дараа цэвэрлэж байгаа тухай хэлсэн. Тиймээс бид иргэдийг зан үйл үйлдэхдээ ядахдаа хог бүү тариач гэж уриалах хэрэгтэй байна. Нөгөөтэйгүүр, бурхан шашны өв соёлыг тээсэн түүхэн дурсгалт газруудын хамгаалалт муу байгаатай холбогдуулан нэгдсэн тоог гаргаж, шашны аялал жуулчлалыг хөгжүүлэхэд хамтарч ажиллаач гэж хүсэж байна. Монголын бурхан шашны хийдүүдийн тэргүүнүүдийг хамруулж 4 дүгээр сард уулзан, монголчуудын байгаль эх дэлхийгээ хамгаалдаг байсан уламжлал, ухамсрыг сэргээх, шашин дагасан аялал жуулчлалыг хөгжүүлэх ажлыг хийхээр төлөвлөж байгаа. Та бүхнийг надтай хамтарч ажиллана гэдэгт бүрэн итгэлтэй байна” хэмээсэн юм.

Хүрэлцэн ирсэн шашны төлөөллүүд Н.Цэрэнбат сайдтай хамтарч ажиллахад бэлэн гэдгээ дуулгаад өмнө нь төр засаг шашныхантай иймэрхүү байдлаар хамтарч ажиллах санал тавьж байгаагүй. Иргэдийн сэтгэхүйд уламжлал, ёс заншлаар дамжуулан байгалиа хамгаалах, хайрлах сэтгэлийг сэргээхэд төр засагтайгаа хамтарч ажиллахдаа таатай байх болно хэмээж байлаа. Гандантэгчинлэн хийдийн Да лам Х.Бямбажав “Таны шашны аялал жуулчлалыг хөгжүүлэх бодлогыг үнэхээр дэмжиж байна. Монголын Эрдэнэ зуу хийд бол дэлхийд үнэлэгдэх эргэл, мөргөлийн төв. Харамсалтай нь өнөөдөр энэ утгаа алдаад байна. Тиймээс бид Эрдэнэ зуу хийдийг эргэл, мөргөлийн төв болгож, “Монголын Эрдэнэ зуу”-д очоод мөргөх юмсан гэдэг сэтгэгдлийг монгол туургатнууд төдийгүй буддын шашин шүтдэг орнуудад төрүүлэх хэрэгтэй. Ингэж чадвал гадагшаа чиглэсэн шашны аялал жуулчлалыг дотооддоо авч үлдэхээс гадна гаднаас урсгал нэмэх боломжтой гэж бодож байна. Эх дэлхийгээ хамгаалах асуудлаар бид ажил хийж байгаа ч хүчрэхгүй байгаа. Тиймээс төр засгийн зүгээс дэмжлэг аваад хамтарч ажиллавал үр дүнд хүрнэ гэж бодож байна” хэмээв.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Согтуу эмэгтэй нөхөр, дүү хоёроо хөнөөжээ
Болздоггүй хүндээ Валентины баяраар ил захидал зэргийг илгээх нь хүчирхийллийн нэг хэлбэр
О.Пүрэв дэлхийн аваргад өрсөлдөхөөр хүлгийн жолоо залжээ
АНУ-ын ерөнхийлөгч Дональд Трамп албан ёсоор “тарган” ангилалд багтах болжээ
Хар тамхи борлуулагчдын арга нарийсчээ
Шүүхийн ажилтан эд мөрийн баримтаар хураагдсан хар тамхийг худалдаалж байсан нь тогтоогджээ
Г.Марал-Эрдэнэ Монгол Улсаас анх удаа уран гулгалтын төрлөөр дэлхийн томоохон тэмцээнд оролцоно
Экс ерөнхийлөгч юуны учир яаран гарч ирэв?
Христийн шашин сурталчлах үйл ажиллагаа явуулсан төрийн бус байгууллагын зөвшөөрлийг цуцаллаа
Хөдөлмөрийн хөлсний доод хэмжээг 420 мянга болгоно
Цахилгаан менингит өвчнөөр таван хүүхэд өвчилжээ
Мал усгүйдэж, малчид малаа 3-5 км газар тууж худгаас усалж байна
Филиппиний ерөнхийлөгч Дутерте улс орныхоо нэрийг солих хүсэлтэйгээ илэрхийлжээ
Их хэмжээний хар тамхи тээвэрлэж явсан этгээдүүдийг баривчлав
Хүмүүнлэгийн тусламжаас татгалзсан Венесуэлийн ерөнхийлөгчийн үйлдэл АНУ-ыг бухимдуулав
Тувагийн талд шилжсэн Монгол цэргийн амь
Галзуу өвчний эрсдэлд өртсөн 29 тохиолдол бүртгэгджээ
“Хүүхдийн бэлгийн хүчирхийллийн талаар ярих тусам тохиолдол нь нэмэгдэж байна”
Саалийн үнээний тэжээлийн тунг хэтрүүлэн өгснөөс найман морь үхсэн гэв
Баярын өдрүүдэд цагдаагийн байгууллагад 11268 дуудлага бүртгэгджээ