Н.Цэрэнбат: тусгай зөвшөөрлийг нээлттэй, ил тод дуудлага худалдаагаар олгодог болно

2018-02-02

БОАЖ-ын сайд Н.Цэрэнбат аймгийн Засаг дарга нартай уулзаж, төлөвлөж буй ажлаа танилцууллаа. Засгийн газрын 100 хоногийн хүрээнд сайд нар аймгийн Засаг дарга нартай уулзаж, цаашид хийхээр төлөвлөж буй ажлаа танилцуулж, тулгамдаж байгаа асуудлыг нь сонсож, хэрхэн хамтарч ажиллах талаараа санал солилцож, асуултад хариулсан юм. БОАЖ-ын сайд Н.Цэрэнбат хуулийн хэрэгжилтийг хангаж ажиллахад аймгийн Засаг дарга нарын оролцоо чухал байгааг онцлоод байгалийн нөөц ашигласны төлбөрөөс орон нутгийн төсөвт төвлөрдөг санхүүгийн эх үүсвэрийг байгаль хамгаалалд зарцуулахыг уриалсан юм. Байгалийн нөөц ашигласны төлбөрөөс орон нутгийн төсөвт жилд 60 тэрбум төгрөг төвлөрдөг ч дөнгөж 30 хувийг нь зориулалтын дагуу буюу байгаль хамгаалалд зарцуулж байгаа нь чамлалтай тоо гэдгийг БОАЖ-ын сайд Н.Цэрэнбат аймгийн Засаг дарга нарт сануулсан юм. Тиймээс цаашид энэ мөнгийг зориулалтын дагуу зарцуулахад хамтарч ажиллана гэдгээ найдаж байгаагаа тэрбээр хэллээ.

Мөн тэрбээр “Цаашид ус дахин ашиглаж байгаа аж ахуйн нэгжүүдэд урт хугацааны бага хүүтэй зээл олгох замаар техник технологийг нь сайжруулахаар дэмжиж, хариуцлагатай уул уурхайг хөгжүүлэхийн тулд даатгалын системийг энэ салбарт нэвтрүүлнэ. Тусгай зөвшөөрөл олгох асуудлыг нээлттэй, ил тод дуудлага худалдаагаар шийддэг болно. Байгаль орчныг хамгаалах, аялал жуулчлалыг хөгжүүлэх бодлого боловсруулах, хууль батлуулах үүргээ БОАЖЯ-ны хамт олон сайн гүйцэтгэж байгаа ч хэрэгжүүлэх, хяналт тавих тал дээр асуудал байна. Тиймээс аймгийн Засаг дарга нар та бүхэн маань хуулийг хэрэгжүүлэх тал дээр бидэнтэй хамтарч ажиллана гэдэгт итгэлтэй байна” хэмээлээ. Маргааш сайд нар аймгийн Засаг дарга нартай цаашдын хамтын ажиллагаагаа бэхжүүлэх үүднээс үр дүнгийн гэрээ байгуулах юм.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Шоронд солигдсон ихрийг баривчилжээ
Монгол түмэн минь сар шинэдээ сайхан шинэлээрэй
Баярын өдрүүдэд нэгдсэн эмнэлгүүд 24 цагаар ажиллана
Өндөржүүлсэн бэлэн байдалд шилжлээ
Оросын Олимпийн шинэ найдвар
Зурхайчдын төлөгт Нохой жил хэрхэн буув?
Цагаан сараар баруун аймгуудад цастай сэрүүн, зүүн аймгуудын нутгаар тогтуун байна
Пак Гын Хэгийн найз Чой Сун Силд 20 жилийн хорих ял оноолоо
Хөгжмийн зохиолч Д.Бэхбат Монгол Улсын Урлагийн Гавъяат Зүтгэлтэн боллоо
Баярын өдрүүдэд автомашины дугаарын хязгаарлалт үйлчлэхгүй
Осолд амь үрэгдсэн зээлдэгчдийн өрийг цайруулна
Хууль зөрчин томилогдсон 33 удирдах албан тушаалтан ажлаасаа чөлөөлөгдлөө
Өрхийн сарын дундаж мөнгөн орлого 950 мянган төгрөг болж өсчээ
Элчин сайд Такаока Масато төслийн үйл ажиллагаатай танилцлаа
БОАЖЯ-ныхан ахмадуудаа хүлээж авлаа
81 настай эмээ их сургууль төгсжээ
С.Наранцогтыг Сангийн яамны Төрийн нарийн бичгийн даргаар томилуулах дүгнэлт гаргав
Улс орнууд цагаан сарыг хэрхэн тэмдэглэдэг вэ?
“Сар шинэ-аюулгүй тээвэр” арга хэмжээний дүнд зам тээврийн осол, хэрэг 25 хувиар буурчээ
Нийслэлд амьдарч байгаа 98, 99 настай ахмадуудад хүндэтгэл үзүүлэв