2018-01-29
Монголд цөөхөн хэдхэн хамтлаг бий. Гэтэл тус хамтлагийн дуучид ээлж дараалан хар тамхины хэрэгт холбогдсоор байна. Тодруулбал хэдхэн хоногийн өмнө залуусын сонсох дуртай хамтлагуудын нэг “Мотив” хамтлагийн нэр бүхий дуучин хар тамхины хэрэгт холбогдсон талаар баттай эх сурвалж мэдээллээ. Тэрбээр хар тамхи хэрэглэж байгаад баригдсан байна. Бид энэ хэргийн талаар эргэн мэдээлэх болно.
-ӨМНӨ НЬ “ДИЖИТАЛ” БОЛОН “GUYS” ХАМТЛАГИЙН ЗАЛУУС ХАР ТАМХИНЫ
ХЭРГЭЭР ЯЛ СОНСОЖ БАЙВ-
Сүүлийн үед урлаг соёлынхон хар тамхины хэрэгт холбогдох нь элбэг болсон нь харамсалтай. Та бидний сайн мэдэх ганц хоёрхон жишээ дурдахад Хип хоп холбооны тэргүүн, “Дижитал” хамтлагийн дуучин Баавар буюу Ш.Батбаяр хар тамхины хэрэгт холбогдож, шорон хоригдож байхдаа өөрийгөө галдан шатааж байсныг та бүхэн санаж буй биз.
Түүнчлэн “GUYS” хамтлагийн дуучин Х.Бат-Ундрал хар тамхины хэрэгт хэрэгт холбогдож хоёр жилийн ял сонссон ч шүүхээс түүнд хар тамхины эсрэг, тэмцэх чиглэлээр олон нийтэд таниулга хийгээсэй гэсэн үүднээс тэнсэн харгалзах ял оноосон байдаг. Тэрбээр хар тамхины эсрэг дуудлага (challenge) эхлүүлж байгаагаа хэвлэлийн бага хурал хийн мэдэгдэх үеэрээ "Нэг жилийн өмнө миний бие хар тамхины хэргээр шалгагдаж эхэлсэн. 2016 оны тавдугаар сарын 24-нд Улсын Мөрдөн Байцаах газарт саатуулагдаж, хар тамхины хэргийн сэжигтнээр шалгагдаж эхэлсэн. Ингээд 2016 оны аравдугаар сарын 9-нд надад Хан-Уул дүүргийн шүүхээс борлуулах зорилгогүйгээр хар тамхи хадгалсан хэргээр хоёр жилийн ял оноосон.
Гэхдээ Монгол Улсын Шүүх энэрэнгүй зарчмаар намайг хар тамхитай тэмцэж, олон нийт хүүхэд залуучуудад хар тамхийг буруу зүйл гэдгийг ухааруулж ойлгуулах ажлуудыг санаачлан хийгээрэй гэж итгэл хүлээлгэснээр хоёр жилийн ялаа хоёр жилийн тэнсэн болгож шийтгүүлсэн. Одоо би ялаа эдэлж байгаа.” хэмээсэн билээ. Гэтэл мэргэжил нэгтнийхээ алдаанаас суралцаж, муу бүхнээс холуур байж залууст үлгэр дуурайл болох ёстой урлагийнхан ээлж дараалан хар тамхины хэрэгт холбогдсоор байгаа нь энэ.
ЦАГ АГААР
°C/°C
°C/°C
°C/°C
Төстэй мэдээнүүд