2018-01-24
УИХ-ын Хууль зүйн байнгын хороо "Эд хөрөнгийн эрхийн улсын бүртгэлийн тухай" хуулийн шинэчилсэн найруулгын төслийг хэлэлцэж байна. Хууль санаачлагчдын үзэж байгаагаар Монгол Улсад газраас бусад үл хөдлөх эд хөрөнгийн эрхийг газрын эрхээс нь салангид бүртгэж байгаа нь үл хөдлөх эд хөрөнгийн бүртгэлийн олон улсын стандартаас зөрж байна. Мөн бүртгэлийн нэгдмэл, үнэн зөв байдал алдагдах үндсэн нөхцөл болж байгаа тул барилга, байгууламжийн эрхийг түүний доорх болон орчны нэгж талбар газрын эрхэд үндэслэн бүртгэх зохицуулалтыг шинээр тусгасан байна. Үүнээс гадна улсын бүртгэлийн үйлчилгээг бүрэн цахим хэлбэрт шилжүүлэх, Төрийн үйлчилгээг шуурхай болгох нөхцөл бүрдүүлэх зорилгоор банк, санхүүгийн байгууллага, нотариат зэрэг хувийн хэвшлийн мэргэжлийн байгууллагын оролцоотойгоор улсын бүртгэлийн мэдээллийн санд хандаж, цахим бүртгэл хийх тогтолцоог бий болгох заалтуудыг шинээр тусгажээ. Мөн эдгээр заалтуудаас гадна "Өмчлөх эрхийн баталгааг хангах, бүртгэлийн эрсдэлийг бууруулах нөхцөлийг хангахын тулд эд хөрөнгийн эрхийн бүртгэл хөтлөх улсын бүртгэгч мэргэжлийн хариуцлагын даатгалд даатгуулах" зохицуулалтыг нэмж тусгасан байна.
ЦАГ АГААР
°C/°C
°C/°C
°C/°C
Төстэй мэдээнүүд