2018-01-22
“Sony Pictures”-ийн уран зөгнөлт, тулаант төрлийн “Jumanji: Welcome to the Jungle” кино “Box Office”-ийн жагсаалтыг гурав дахь долоо хоногтоо тэргүүллээ. Ийнхүү тус кино “Sony Pictures”-ийн бүх цаг үеийн хамгийн
өндөр орлого олсон таван киноны нэг болж байна. “Comscore”-ийн мэдээлснээр “Jumanji: Welcome to the Jungle” кино өнгөрсөн долоо хоногт Хойд Америкийн кино театруудаас 20 сая ам.доллар олжээ. Харин нээлтээ хийснээс хойших таван долоо хоногийн хугацаанд 317 сая ам.доллар олсон бол олон улс дахь нийт орлого нь 450 сая ам.доллараар хэмжигдэж байна. Алдарт жүжигчин Дуэйн Жонсон, Кевин Харт нарын тоглосон энэхүү кино нь 90 сая ам.доллараар бүтжээ. Харин өнгөрсөн долоо хоногт шинээр нээлтээ хийсэн “Alcon Entertainment”-ийн дайны сэдэвт, драм төрлийн "Twelve Strong" кино 16.5 сая ам.долларын орлогоор “Box Office”-ийн жагсаалтыг удаалсан байна. Энэ киног сонирхогчдын олонх нь 25 ба түүнээс дээш насныхан байгааг “Warner Bros” онцолжээ. Үүнээс гадна “Diamond Film Productions”-ийн драм, триллер төрлийн "Den of Thieves" кино нээлтээ хийсэн даруй 15.3 сая ам.долларын орлого олж, “Box Office”-т орлогоороо тэргүүлсэн гурван киноны нэг болжээ.
ЦАГ АГААР
°C/°C
°C/°C
°C/°C
Төстэй мэдээнүүд