БОАЖЯ ТИКА төсөлтэй хамтын ажиллагаагаа өргөжүүлнэ

2018-01-22

БОАЖ-ын сайд Н.Цэрэнбат ТИКА олон улсын төслийн Улаанбаатар дахь суурин төлөөлөгч Вэйсэл Чифтжи, дэд кординатор Баярам Полат нарыг өөрсдийнх нь хүсэлтийн дагуу хүлээн авч уулзлаа.

Уулзалтын эхэнд ноён Вэйсэл Чифтжи ТИКА олон улсын төсөл нь өнгөрсөн онд л гэхэд Монголд эрүүл мэнд, боловсрол, дэд бүтэц, махны стандартыг сайжруулах зэрэг чиглэлээр 80 орчим төсөл хэрэгжүүлснийг дуулгаад цаашид аялал жуулчлал, байгаль орчны салбарт хамтарч ажиллах хүсэлтэй байгаагаа уламжилсан юм. Мөн тэрбээр БОАЖ-ын сайд асан Д.Оюунхоролтой ярьж тохирсон хэд хэдэн ажлын хүрээнд Налайх дүүргээс зүүн тийш 20 орчим километрийн зайд орших Эртний Түрэгийн хаант улсын сайд Тоньюкын хөшөө орчимд музей байгуулах ажлыг энэ жил эхлүүлэхээр болсныг танилцууллаа. Үүнээс гадна Улаанбаатарын агаарын бохирдлыг бууруулах чиглэлээр 1000-2000 халаагуурыг нийслэлийн гэр хорооллын иргэдэд БОАЖЯ-аар дамжуулан олгох боломжтой гэдэг шийдвэрийг төв байгууллагаас нь ирүүлсэн тухай хуваалцсан юм.

БОАЖ-ын сайд Н.Цэрэнбат “Монгол Улс ТИКА-тай өргөн хүрээнд хамтын ажиллагаа явуулж, туршлага хуримтлуулсан. Миний хувьд аялал жуулчлалын салбарын үйлчилгээний стандартыг сайжруулахын тулд орчин үеийн ариун цэврийн байгууламж, гал тогооны тоног төхөөрөмжийг сайжруулах чиглэлийг жуулчны баазуудад өгч ажиллаж байна. Тиймээс та бүхнийг бидэнтэй хамтарч ажиллан Тоньюкын хөшөө орчимд хэрэгжүүлэх гэж буй төслийнхөө хүрээнд орчин үеийн нийтийн ариун цэврийн байгууламж байгуулах боломжийг судлана уу гэж хүсч байна. Нийслэлийн агаарын бохирдлыг бууруулахын тулд бид хэсэг хэсгээр нь бүсчлэн халаагуур тавих ажлыг эхлүүлэхээр төлөвлөсөн. Энэ хүрээнд та бүхнээс ирүүлэх халаагуурыг хотын төвийн гэр хороолол болох Гандан орчмын 1700 айлд хүргэх боломжийг судлах саналтай байна” хэмээсэн юм.

Н.Цэрэнбат сайдын саналыг ТИКА олон улсын төслийн Улаанбаатар дахь суурин төлөөлөгч Вэйсэл Чифтжи хүлээж авч байгаагаа мэдэгдээд байгаль орчин, аялал жуулчлалын салбарт хамтарч ажиллахад баяртай байгаагаа илэрхийлсэн юм.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Согтуу мотоциклийн жолооч хоёр хүүхдийг хүнд гэмтээжээ
Хөлбөмбөгийн фанатууд багаа дэмжих гэж биш ПИВО уух гэж асарыг зорьдог
Агуйгаас тав дахь хүүхдийг гаргажээ
"Хүн ам, хөдөлмөр нийгмийн хамгааллын салбарт ажиллагсдын 65.3% нь эмэгтэй, 34.7% нь эрэгтэй"
“E-mart” орчмын борооны ус зайлуулах шугамын ажил наадмын өмнө дуусна
Түрүү бөхийг “Ланд крузер-200” автомашинаар шагнана
Хилээр 170 ширхэг гар утас нуун оруулсныг илрүүлжээ
Машинаа ухраахдаа ач охиноо дайрч, аминд нь хүрчээ
Японы дарс үйлдвэрлэгч хосыг Францаас явуулахыг иргэд эсэргүүцжээ
"Гудамжны халдлага" буюу охидыг айлгадаг бүдүүлэг зан
Зорилготой бүсгүйчүүдийн зоригийг битгий мохоогоорой
Ах дүү хоёр зайрмаг авах гэж гараад эргэж ирсэнгүй
Жүжигчин Ц.Цэрэнболд Карпатын ууланд тулалдана
Германы инженер гар утасны “аюулгүйн дэр”-ийг худалдаанд гаргана
Долдугаар сарын 9,10-нд бүх нийтээр амрахыг дэмжсэнгүй
Оны эхний таван сарын байдлаар 1353 хүүхэд зам тээврийн осолд өртжээ
Монголбанкны зургаадугаар сард худалдан авсан алтны хэмжээ өсөв
Нийтийн тээврийн зарим чиглэлд түр хугацаанд өөрчлөлт орууллаа
Хил дээр тусгаарлагдсан хүүхдүүд эцэг эхтэйгээ уулзлаа
Д.Оюунхорол: МАН-ын бүлэгт фракц бүлэглэл байхгүй