Хойд Солонгосын АЛТАН ХАМТРАГЧИД

2018-01-09

Хойд Солонгосын алтан хамтрагчид

БНСУ-ын Пёнчан хотноо өвлийн XXIII олимпийн наадам эхлэхэд нэг сарын хугацаа үлдлээ. Энэ удаагийн олимпийн наадмын өмнө хоёр Солонгосын асуудал хурцадмал хэвээр байгаа. Хойд болон Өмнөдийн албан ёсны уулзалт өнөөдөр болно. Учир нь олимпийн наадамд Хойд Солонгосын тамирчид оролцож магадгүй гэсэн мэдээлэл олон улсын олимпийн хороонд очсон байна.  

БНСУ-ын Пёнчан хотод ирэх хоёрдугаар сарын 9-25-ны өдрүүдэд болох  өвлийн олимпийн наадамд Хойд Солонгосын уран гулгагч Лём Дэ Уг, Ким Жү Сик нар хосын төрөлд оролцох эрхээ авсан. Тэд 2017 оны есдүгээр сард Германд болсон Nebelhorn Trophy тэмцээнд амжилттай оролцож, хүрэл медаль хүртсэн амжилтаараа Пёнчаныг зорих эрхтэй болсон байна.

Хойд Солонгосын уран гулгагчид 2016 онд Австри улсад болсон “Cup of Tyrol”-т хүрэл медаль хүртэж, ирээдүйтэй гулгагчид гэдгээ харуулж чаджээ. Харин одоо тэдний уран гулгалтыг Пёнчанд харах эсэх хоёр орны албан ёсны уулзалтын үеэр тодорхой болно.

Хойд Солонгосын эрэгтэй уран гулгагчдын шилдэг тамирчдын нэг Ким Жү Сик энэ жил 26 настай бөгөөд тэрбээр 2001 оноос эхлэн уран гулгалтаар хичээллэж байгаа аж. Харин түүний хамтрагч Лём Дэ Уг ирэх хоёрдугаар сарын 2-ны 19 нас хүрэх аж.

Ким Жү Сик, Лём Дэ Уг нар хосын төрөлд 2015 оноос эхлэн өрсөлдөж эхэлсэн бөгөөд Азийн нээлттэй тэмцээнд түрүүлж, “Cup of Tyrol 2016”, “Asian Winter Games 2017” тэмцээнээс хүрэл медаль хүртсэн.

Хойд солонгосчууд 1964 онд Австрийн Инсбрук хотод болсон IX олимпийн наадамд анх удаа оролцож, тэшүүрийн 3000 метрт Хан Пил Хва мөнгөн медаль хүртэж байжээ. Үүнээс гурван олимпод очсон медаль авч чадаагүй байсан бол 1992 онд Францын Альбервилль хотод болсон XVI наадамд шорт-трекийн 500 метрт Хван Уг Шил хүрэл медалийг эх орондоо авчирч байжээ. Хойдууд “Сочи 2014” олимпийн наадамд оролцоогүй бол “Пёнчан 2018” наадамд оролцох эсэх нь өнөөдөр тодорхой болно

 

 

 

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

НҮБ цагаачлалын тухай гэрээг баталжээ
Шалгуулах нь шалгуулаад цагаадах нь цагаадаад нэг талдаа гаръя
Албан тушаалтнуудын ХОМ-ийг бүртгэх бэлтгэл ажил эхэллээ
“Зайсан хилл”-д шинэ жилээ тэмдэглэсэн "НВЦ" компанийн 100 гаруй ажилчин хорджээ
Сэргээш хэрэглэсэн нь тогтоогдсон бөхчүүдийн улсын наадамд барилдах эрхийг хоёр жилээр хаслаа
Газрын тос боловсруулах үйлдвэрийн төмөр замыг хугацаанд нь барихаар УБТЗ шамдаж байна
Францын Страсбург хотод зэвсэгт халдлага гарч дөрвөн хүн амиа алдлаа
Энэ долоо хоногт гурван хүнд элэг шилжүүлэн суулгана
Г.Ууганбаатар: Монголынхоо нэрийг дэлхийд гаргасан “алгын чинээхэн” охиноороо бахархаж байна
Эмчээс ёс суртахуун нэхдэг мөртлөө үнэндээ таны ёс зүй, хүн чанар, хүнлэг байдал хаана байна?
ОПЕК: Газрын тосны гарцыг өдрийн 1.2 сая баррелиар танана
Отгонтэнгэр их сургууль Үндэсний хэмжээний илтгэлийн тэмцээнийг амжилттай зохион байгууллаа
Өмнөд Солонгост таксины шинэ үйлчилгээг эсэргүүцсэн жолооч өөрийгөө шатаажээ
Талууд хамтран ажиллах санал солилцов
“Huawei”-ийн захирал 30 жилийн ял авч магадгүй
Хаалгаа цоожилж, гэр бүлийн хүчирхийлэл үйлджээ
УБЦТС-ын захирал Д.Баярсайхантай хэзээ хариуцлага тооцох вэ?
Саудын Араб сэтгүүлчийн аллагын аудио бичлэгт хөрөөний дуу сонсогдож байгааг CNN мэдээлжээ
“Сансарын “KFC” хоолны газар буу гаргаж танхайрсан этгээдийг шалгаж байна
ЕБС-ийн ахлах ангийн сурагчдын дунд хамгийн өндөр шагналтай үндэсний илтгэлийн тэмцээн эхэллээ