2018-01-08
Испанийн Легионуудын нэр хүндэд муугаар нөлөөлж байгаа учир олон мянган алба хаагчдыг жингээ хасах тушаал өгч, хэрвээ чадахгүй бол албанаас чөлөөлнө гэжээ.
Өнгөрсөн онд Твиттер хэрэглэгчид Испанийн легионуудын дүрэмт хувцас богинодсон, багадсан байгаа талаар жиргэж эхэлсэн бөгөөд үнэн хэрэгтээ дүрэмт хувцас багадсан бус алба хаагчид нь хувцсандаа томдсон асуудал байсан аж.
Легионы бригадын төвөөс мэдээлснээр нийт 3000 алба хаагч биеийн жингийн стандарт тогтоох сорил өгч, хоолны дэглэм барьж, дасгал хийх ёстой гэжээ. Тийм ч учраас одоо мөрддөг биеийн хүчний шалгалтад тэнцсэн эсэхийг харгалзаж үзэхгүй болсон байна.
Биеийн жингийн стандарт хангахгүй байгаа алба хаагч бүрт тохирсон бэлтгэл, хоолны дэглэм зохиож өгөхөөр төлөвлөжээ.
Эхний ээлжид биеийн жингийн стандарт хангахгүй байгаа алба хаагчдыг цэргийн жагсаал, олон нийтийн үйл ажиллагаанд оролцохыг хориглож, нэмэгдэл цалин, урамшууллыг хасах, гадаадад үүрэг гүйцэтгэхийг хориглох бөгөөд хэрвээ жилийн дотор ямар нэгэн үр дүнд хүрэхгүй бол Легионы албанаас бүрэн чөлөөлөх аж.
Эх сурвалж: TheGuardian
ЦАГ АГААР
°C/°C
°C/°C
°C/°C
Төстэй мэдээнүүд