Хятад 2017 онд авлигын хэргээр 159 мянган хүнийг шийтгэжээ

2018-01-08

Хятад 2017 онд авлигын хэргээр 159 мянган хүнийг шийтгэжээ

Хятад улс авлигатай тэмцэх ажлын хүрээнд намын дотоод дүрэм зөрчсөн, авлига авсан хэргээр 2017 онд 159 мянган хүнийг шийтгэжээ.

Нийт 122,100 хэрэгт холбогдуулан 159,100 хүнийг шийтгэсэн гэж ХКН-ын Сахилга батыг хянан шалгах төв хороо ням гаригт /2017.01.07/ мэдэгдсэн байна. Мөн өнгөрсөн 2017 оны нэгээс арваннэгдүгээр сар хүртэлх хугацаанд намын найман зүйлт тогтоолыг зөрчсөн гэх 43,400 хэргээр 61 мянган хүнд зохих шийтгэл оноожээ.

Түүнчлэн эх орноосоо зугтсан 1300 иргэн, тэдний дотор ХКН-ын гишүүн болон төрийн удирдлагад ажиллаж байсан 347 хүн, авлигын хэрэгт сэжиглэгдсэн “топ-100” жагсаалтад багтсан 14 хүнийг 2017 он гарсаар нутагт нь буцаан авчирчээ. Мөн төсвийн хөрөнгөөс завшсан 980 сая юань /151 сая ам.доллар/-ийг хурааж, улсын орлого болгосон байна.

ХКН-ын Сахилга батыг хянан шалгах төв хорооноос мөн 2017 онд авлига, хээл хахууль, төсвийн хөрөнгө шамшигдуулах, завших зэрэг хэрэгтэй холбоотойгоор гадаадын хууль сахиулах байгууллагуудын түвшинд 50 гаруй уулзалт, зөвлөгөөн зохион байгуулсан, төрийн өмчит 18 байгууллагын удирдлагыг шалгаж эхэлсэн, 40 орчим хүнд шийтгэл оноосон зэрэг мэдээллийг тайлагнажээ.

Авлигатай тэмцэх ажлын үр дүнг сайжруулахын тулд намын Сахилга батыг хянан шалгах төв хорооноос намын дотоод дүрэм, журам зөрчиж, авлигын хэрэгт холбогдсон 670 хэргийг цахим хуудсандаа байршуулж, олон нийтэд ил болгосон байна. Энэ мэт ХКН-ын авлигын эсрэг кампанит ажлын үр дүнд ард түмний сэтгэл ханамж ч нэмэгдэж, 2012 онд авлигын эсрэг авч хэрэгжүүлж буй үйл ажиллагааны үр дүнгийн талаарх ард түмний сэтгэл ханамж 75 хувьтай байсан бол 2017 онд 93.9 хувьд хүрсэн байна.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Керчийн коллежид амь үрэгдэгсдийн тоо 20 хүрлээ
Г.Цэнгэлбаяр: Гэр бүлийн хүчирхийллээс болж жилд зургаан мянган хос салж байна
Тамхи таталтын түвшин буурчээ
Танилц: “Эрдэнэс-тавантолгой”-н олон нийтийн зөвлөл
Монголын цагдаа түүнд мэхийн ёслов
Фан Бинбиний татварын хэргээс шалтгаалан Брюс Уиллисийн тоглосон киноны нээлтийг цуцаллаа
​Ирэх жил 42 мянган тонн нүүрс экспортолно
“Монгол туургатан” театрын шинэ байрны нээлт боллоо
"Дэлхийн мисс-2018"-д оролцох Э.Энхриймаа хүмүүнлэгийн төсөл эхлүүлжээ
Дахиад "ТУУШИНДЪЯ" хотын дарга аа!
Өөрийгөө нас барсан гэж зарлуулсан Украины авлигач Францын шилтгээнд амьдарч байжээ
"Шар хайрцаг" цагдааг "орлоно"
Түгжрэл ба "SCHOOL BUS"
ХУУРАМЧ МЭДЭЭГ НЯГТАЛЖ СУРЪЯ: Хятадууд вансэмбэрүү “түүсэн” жишээн дээр
Биеийн байдал нь хүнд байсан цагдаагийн алба хаагч таалал төгсжээ
Авто замын том уулзваруудад шар тэмдэглэгээ хийж байна
Цагдаагийн алба хаагчийг мөргөөд зугтсан этгээдүүдийг баривчилжээ
Биднийг төмөр замаа барьж амжаагүй байхад тэд ЖОЛООЧГҮЙ галт тэргээр тээвэрлэж байна
Манай тамирчид морьт харвааны ДАШТ-д түрүүлэв
Замын хөдөлгөөнд сөргөөр нөлөөлж зорчих хэсэг болон явган хүний зам дээр худалдаа эрхэлж буйг зогсооно