“Apple” компани “iPhone” гар утасны цэнэг хураагуурыг илүү хямд үнээр сольж өгөхөө зарлалаа. Гэхдээ энэ нь “iPhone”-ийн шинэ загварын борлуулалтад сөргөөр нөлөөлж магадгүй байна. “Barclays” банкны шинжээчдийн үзэж байгаагаар “iPhone”-ийн цэнэг хураагуур солих үнийг маш бага хувиар бууруулахад л шинэ загварынх нь борлуулалт жилийн дүнгээр олон саяар буурах эрсдэлтэй болохыг онцолжээ. “Apple” компани хэрэглэгчдийн гомдлын дагуу “iPhone”-ийн цэнэг хураагуур солих үнийг 79 ам.доллар байсныг 29 ам.доллар болгож бууруулсан аж. Энэ нь олон нийтэд чиглэсэн таатай бодлого гэдэгт шинжээчид санал нэгдэж байна. Хэдий тийм боловч цаашид “iPhone”-ийн борлуулалтад сөргөөр нөлөөлнө гэдгийг салбарын шинжээчид мөн онцоллоо. “iPhone” гар утас нь “Apple”-ийн нийт орлогын гуравны хоёрыг бүрдүүлдэг аж. Тус компани шинэ загварын гар утсаа танилцуулах сургаар хувьцааных нь ханш өнгөрсөн онд 50 хувиар өсөж байсан юм.