Тэтгэврийн нас болон ХХОАТ-ын нэмэгдэл зэргийг эргэн харахыг хүсч байна

2018-01-04

МҮЭХ тэтгэврийн нас, зарим төрлийн татвар нэмэгдүүлснийг эсэргүүцэж хэвлэлийн хурал хийлээ.

Хөдөлмөрийн хүнд нөхцөлд ажилладаг эмэгтэй 50, эрэгтэй 55 нас хүрээд тэтгэвэрт гардаг байсан бол шинээр хэрэгжих хуулийн дагуу 60 нас зургаан сартайдаа тэтгэвэрт гарах юм. Хөдөлмөрийн хүнд нөхцөлд ажилладаг иргэн нь дунджаас бага насалдаг Тиймээс энэ хуулийг эргэн харахыг МҮЭХ хүслээ.

Түүнчлэн ХХОАТ-ыг шатлалтайгаар 10-25 хувь нэмэгдүүлснээр орон нутгийн төсөвт 30-50 тэрбум төгрөгийн орлого орно. Энэ  нь нөгөө талаараа сөрөг үр дүнтэй гэж МҮЭХ үзэж байна. Тухайлбал иргэн орлогоо нуух, ажлын байр цомхтгох, цалингаа нэмэхгүй байх магадлалтай аж.

Мөн энэ сараас эхлэн нийгмийн даатгалын шимтгэл нэмэгдэж байгаа. Ажилтнаас суутгах нийгмийн даатгал нэг хувь, ажил олгогчоос суутгах нийгмийн даатгалын шимтгэл нэг хувиар өсч байгаа. Энэ нь ажил олгогч болон ажилтанд ачаалал болж байна гэж МҮЭХ үзлээ.  

Тиймээс  МҮЭХ нь ХХОАТ, тэтгэврийн нас тогтоолт зэргийг эргэн харахыг хүсч байна. Тэд өмнө нь цалингийн асуудал болон татварын шимтгэл, тэтгэврийн настай холбоотой асуудлаар хоёр ч Засгийн газарт санал хүргүүлсэн гэлээ. Гэвч аль нь ч тэдний саналыг хүлээж аваагүй гэдгийг хэлж байлаа.

МҮЭХ-ны Дэд ерөнхийлөгч С.Эрдэнэбат “Монгол хүний дундаж цалин олон улсын дунджаас 3.5 дахин бага. Монголын уурхайчин Австралийн уурхайчаас 10 дахин бага цалин авдаг. Уурхайчин жилд дунджаар 12 мянган ам.долларын цалин авч байна. Зарим нэгэн зайлшгүй татвар нэмэгдүүлснийг бид хүлээн зөвшөөрч байна. Харин цалингийн татвар нэмэгдүүлснийг эргэн авч үзэхийг хүсье. Хүн амын орлого амьдралд хүрэлцэхгүй байгаа нөхцөлд татвар нэмэгдүүлэх бодлого нь буруу.   100 хүний 30 нь хүнсний зайлшгүй хэрэглээгээ хангаж чадахгүй байна. Тиймээс Засгийн газар дахин шийдвэрээ авч үзэхийг шаардаж байна. Цаашдаа хөдөлмөрийн тэмцэл хөдөлгөөн зогсохгүй нь гэж үзэж байна” гэсэн юм.

 

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Сайн жишиг: УИХ дэгээ “дэглэж” байна
Хойд Солонгосын удирдагч Абэтай уулзах уу?
“Yahoo Messenger”-тэй ирэх сард салах ёс хийнэ
Туфльтэй лидер
Д.Гантулгыг гишүүнээс чөлөөлөгдөх хүсэлтийг дэмжлээ
Тесла ашигтай ажиллахын тулд ажилчдынхаа 9 хувийг цомхотгоно
"Эрдэнэт" үйлдвэрт Геометаллургийн хөтөлбөр хэрэгжиж байна
Д.Гантулгын гишүүнээс чөлөөлөгдөх хүсэлтийг өнөөдөр хэлэлцэнэ
Трамп, Ким нар ганцаарчилж уулзсаны дараа өргөтгөсөн хэлэлцээр эхэлжээ
Европын холбоо болон БНХАУ-ын хар тамхи борлуулдаг 10 бүлгийг илрүүлсэн
Африк дүрвэгчдийн завийг Итали, Мальта хүлээж авахаас татгалзаж, Испани зөвшөөрлөө
Монголчуудын зууны бахархал
Эрүүл мэндийн даатгалын цахим систем нутагших нөхцөл бүрджээ
Татварын хуулийн өөрчлөлт таны амьдралд хэрхэн тусах вэ?
Нэгдүгээр ангид элсэх зургаан настнуудыг наймдугаар сард бүртгэнэ
Д.Оюунхорол: Гишүүдийг хаацайлсан УИХ-ын шийдвэрт Ерөнхийлөгчөөр хориг тавиулахаар хандана
Д.Гантулга: УИХ-ын гишүүнээсээ чөлөөлөгдөх хүсэлтээ өгч байна
ДАШТ-ийн өмнөх бие халаалтын тоглолтод Бразил Австрийг 3:0-оор бут ниргэв
Нийтийн тээврийн үйлчилгээнд шалгалт хийж байна
"Олимпийн гудамж"-ны автозамыг хаалаа