2018-01-03
Хятадын хамгийн өндөр хөгжилтэй хотуудын нэг, цахилгаан барааны цахиурын хөндий хэмээн нэрлэдэг Шеньжень хот бүх нийтийн тээврийн автобус буюу нийт 16359 тээврийн хэрэгслийг цахилгаан хөдөлгүүртэй болгожээ.
Түүнчлэн тус хотод явж буй нийт таксины тал хувь нь цахилгаан хөдөлгүүртэй болсон бөгөөд 2020 он гэхэд үлдсэн бүх таксиг цахилгаан хөдөлгүүртэй болгох юм байна.
Мэдээж хэрэг ийм олон цахилгаан тээврийн хэрэгслийг нэвтрүүлсэн учраас хот даяар 510 цэнэглэх байгууламж, 8000 цэнэглэх цэгийг байгуулжээ.
Тооцоо ёсоор нэг цэнэглэх цэг нь цэнэггүй автобусыг хоёр цагийн дотор дүүргэх бөгөөд өдөрт 300 тээврийн хэрэгслийг цэнэглэнэ гэж үзсэн аж.
Ийнхүү байгаль орчинд ээлтэй технологийг нэвтрүүлснээр Шеньжень хот жилд ялгардаг байсан 1,35 сая тонн нүүрс хүчлийн давхар ислийг байхгүй болгоод зогсохгүй их хотын чимээг тодорхой хэмжээгээр хагасалжээ.
Түүнчлэн ашиглалтын зардал нь мөн тодорхой хэмжээгээр буурах бөгөөд цахилгаан автобус нь бензин хөдөлгүүртэй автобуснаас 75 хувиар бага эрчим хүч зарцуулах аж.
Хэдийгээр энэхүү хөтөлбөрийг хэрэгжүүлэх гэж 490 сая ам. доллар зарцуулсан ч гэсэн хотын дуу чимээг багасгаж, агаар цэвэршүүлж байгаагаас нь үзэхэд тийм ч өндөр үнэ биш юм.
ЦАГ АГААР
°C/°C
°C/°C
°C/°C
Төстэй мэдээнүүд