Ким Жон Уны шинэ хэв маяг судлаачдын анхаарлыг татаж байна

2018-01-03

Шинэ оны эхний өглөө Хойд Солонгосын удирдагч Ким Жон Ун төрийн мэдээллийн сувгаар уламжлалт мэндчилгээгээ дэвшүүлсэн билээ. Тэрээр хэлсэн үгэндээ ширээн дээр нь цөмийн зэвсгийн товч үргэлж бэлэн байгааг АНУ-д анхааруулж, Өмнөд Солонгостой хэлэлцээр хийхэд бэлэн байгаа, Пёнчаны Олимпийн наадамд тамирчдаа илгээх гэж байгаагаа мэдэгдсэн юм.

Кимийн харьцангуй зөөлөн өнгө аястай үгсээс гадна барууны хэв маягтай хувцаслалт нь дэлхий нийтийн анхаарлыг татаж байна. Тэр үргэлж өмсдөг Мао хэв маягийн хослолоосоо салж, саарал өнгийн орчин үеийн загвартай хослол, эвэр хүрээтэй нүдний шилээр гангарсан нь Хойд Солонгосын дэглэм 2018 онд гадаад харилцаандаа эргэлт гаргах нь гэсэн найдлага төрүүлж байгаа юм.

Ажиглагчид Ким Жон Уны шинэ хэв маягаас түүний дэлхий дахинд өгөх гэсэн дохиог тайлж уншихыг хичээж байна.

“Ким Жон Ун өвөө, аав нарынхаа загвараас салж, барууны хэв маягтай саарал хослол өмсөж, эвэр хүрээтэй нүдний шил зүүсэн нь түүний өөртөө итгэлтэй, тайван болсныг харуулж байна. Тэр нөхцөл байдлыг хяналтдаа авсан харагдаж байна” хэмээн Сөүлийн их сургуулийн Хойд Солонгос судлалын профессор Юн Мү Жин тайлбарлажээ.

Пусаны Үндэсний их сургуулийн профессор Роберт Кэлли дарангуйлагч Ким Жон Уныг “Армани өмссөн банкир”-тай илүү адилхан харагдаж байгааг хэлсэн байна.

Тэр Нью Йорк Таймс сонинд ярихдаа “Ким Жон Ун Хойд Солонгосыг илүү орчин үеийн улс болсон мэтээр харуулах гэж хичээж байж магадгүй. Түүний эцгийн Мао маягийн хослол 21 дүгээр зуунд инээдтэй харагдах нь мэдээж” гэжээ.

Өмнөд Солонгосын төрийн өмчит Солонгосын Үндэсний Нэгдлийн Хүрээлэн Пёньяныг гадаад имиж төрхөө өөрчлөхөд томоохон дэвшил гаргалаа гэж дүгнэсэн байна.

Ким Жон Уны өөрчлөлт үр дүнгээ өгсөн эсэхийг хэлэхэд эрт байгаа ч өчигдөр Өмнөд Солонгосын засгийн газар хоёр Солонгосын дээд хэмжээний уулзалт хийх саналыг Пёньянд тавиад байгаа билээ.

 

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

НҮБ цагаачлалын тухай гэрээг баталжээ
Шалгуулах нь шалгуулаад цагаадах нь цагаадаад нэг талдаа гаръя
Албан тушаалтнуудын ХОМ-ийг бүртгэх бэлтгэл ажил эхэллээ
“Зайсан хилл”-д шинэ жилээ тэмдэглэсэн "НВЦ" компанийн 100 гаруй ажилчин хорджээ
Сэргээш хэрэглэсэн нь тогтоогдсон бөхчүүдийн улсын наадамд барилдах эрхийг хоёр жилээр хаслаа
Газрын тос боловсруулах үйлдвэрийн төмөр замыг хугацаанд нь барихаар УБТЗ шамдаж байна
Францын Страсбург хотод зэвсэгт халдлага гарч дөрвөн хүн амиа алдлаа
Энэ долоо хоногт гурван хүнд элэг шилжүүлэн суулгана
Г.Ууганбаатар: Монголынхоо нэрийг дэлхийд гаргасан “алгын чинээхэн” охиноороо бахархаж байна
Эмчээс ёс суртахуун нэхдэг мөртлөө үнэндээ таны ёс зүй, хүн чанар, хүнлэг байдал хаана байна?
ОПЕК: Газрын тосны гарцыг өдрийн 1.2 сая баррелиар танана
Отгонтэнгэр их сургууль Үндэсний хэмжээний илтгэлийн тэмцээнийг амжилттай зохион байгууллаа
Өмнөд Солонгост таксины шинэ үйлчилгээг эсэргүүцсэн жолооч өөрийгөө шатаажээ
Талууд хамтран ажиллах санал солилцов
“Huawei”-ийн захирал 30 жилийн ял авч магадгүй
Хаалгаа цоожилж, гэр бүлийн хүчирхийлэл үйлджээ
УБЦТС-ын захирал Д.Баярсайхантай хэзээ хариуцлага тооцох вэ?
Саудын Араб сэтгүүлчийн аллагын аудио бичлэгт хөрөөний дуу сонсогдож байгааг CNN мэдээлжээ
“Сансарын “KFC” хоолны газар буу гаргаж танхайрсан этгээдийг шалгаж байна
ЕБС-ийн ахлах ангийн сурагчдын дунд хамгийн өндөр шагналтай үндэсний илтгэлийн тэмцээн эхэллээ