2017-12-15
Шинэ орон сууцны нэг метр квадратын үнэ 2.2 сая төгрөг буюу өнгөрсөн жилээс 6.7 хувиар өссөн байна. Харин хуучин хоёр өрөө байрны дундаж үнэ 71 сая төгрөг болж, нэг жилийн дотор үнэ нь 4.1 хувиар хямдарчээ.
Зурагт: Шинэ орон сууцны үнийн индекс. Тэнхлэг зууч ХХК.
Хэдийгээр сар болоод жилийн дүнгээр шинэ орсон сууц 1-6 хувиар өсч, хуучин орон сууц 0.8-4.1 хувиар буурч байгаа дүр зураг харагдаж байгаа ч энэ нь зах зээлд хүчтэй нөлөө үзүүлж чадахгүй буюу иргэдийн худалдан авах чадварт ямар нэг байдлаар эерэг болон сөрөг нөлөө үзүүлэхүйц өөрчлөлт биш юм байна. Жишээ нь, 2014 оны гуравдугаар сард орон сууцны жилийн үнийн өсөлт 23.7 хувиар нэмэгдэж байсантай харьцуулахад үнэ харьцангуй тогтвортой байгаа гэж хэлж болох юм байна.
Мөн үл хөдлөх хөрөнгийн зах зээлд томоохон нөлөө үзүүлдэг ипотекийн зээлийн олголтын түвшин, Монголбанк, Засгийн газрын шийдвэр зэрэг харгалзах хүчин зүйлсээс гэнэтийн шок ирэхгүй, бодлого шийдвэр одоогийн хэвээр үргэлжилсээр байвал орон сууцны үнэд өөрчлөлт орох боломжгүй гэж үзэж байгаа юм байна.
Учир нь ирэх оны төсөвт орон сууцны ипотекийн зээлд 160 орчим тэрбум төгрөг /үүнээс илүүгүйгүйг/ төсөвлөж байгаа нь одоогийн эрэлт, нийлүүлэтийн байдалд ямар нэг өөрчлөлт өгөх хэмжээний санхүүжилт биш гэж үзэж байгаа юм.
Харин арваннэгдүгээр сарын байдлаар Монголбанк болон Засгийн газар хамтран нийт 24.8 тэрбум төгрөгийн ипотекийн зээлийн санхүүжилтийг гаргасан юм. Монголбанкнаас 237 зээлдэгчийн 15.9 тэрбум төгрөгийн эх үүсвэрийг шийдсэн бол Засгийн газар 132 зээлдэгчийн 8.9 тэрбум төгрөгийн эх үүсвэрийг тус тус олгосон юм. Ингэснээр өнгөрсөн сард нийт 371 зээлдэгч шинээр ипотекийн зээлд хамрагдсан юм.
ЦАГ АГААР
°C/°C
°C/°C
°C/°C
Төстэй мэдээнүүд