2017-12-01
Бээжингийн нэгэн цэцэрлэгт багш нар гурван настай хүүхдүүдтэй бүдүүлэг харилцаж, шийтгэлийн харгис арга хэрэгслийг ашиглаж байсан гэсэн хэрэг Хятад улс даяар шуугиан тариад байна. Тэрхүү цэцэрлэгийн багш хүүхдийг шийтгэхдээ зүүгээр хатгах зэрэг арга хэрэглэдэг байсан гэсэн гомдлыг эцэг эхчүүдийн зүгээс тавиад байгаа юм. Зөвхөн нэг цэцэрлэгт болсон энэ явдал ард иргэдийн дунд нийт цэцэрлэг, багш нарт итгэх итгэлийг алдагдуулах хэмжээнд өндрөө авчээ.
Хэрэг гарсан цэцэрлэгийг цагдаагийн хамгаалалтад авсан байдал. Эх сурвалж ВВС
Гэвч Цагдаагийн газраас гадуур тархаад байгаа яриа худал цуурхал, багш нарыг буруутгаж байгаа олон шалтгааны нэгээс бусад нь худлаа гэсэн мэдээллийг хийгээд байна. мөн гомдол гаргасан эцэг эхчүүдийн нэг нь болох эмэгтэйг “Олон нийтийн дунд тогтворгүй байдал үүсгэсэн” гэсэн шалтгаанаар баривчилсан байна. Цэцэрлэгийн багш нар хүмүүжигч хүүхдүүдтэйгээ хэрцгий харьцсан гэсэн энэ хэргийг цагдаа хүчний байгууллагаас ийнхүү үгүйсгэсэн ч тухайн цэцэрлэгийн зарим багш нарыг ажлаас халсан гэсэн яриа гарч байгаа аж. Ямартай ч гадуур тархсан шиг аймшигтай хэрцгий хандсан явдал байгаагүй бололтой. Гэвч багш нарыг халсан гэдэг яриа үнэн бол тодорхой хэмжээний зөрчил байсныг илтгэх юм.
Хүүхдийг нь зүүгээр шивж шийтгэдэг байсан хэмээн нэгэн эцэг уг зургийг интернэтэд байршуулжээ
Одоогоос сарын өмнө Шанхай хотын нэгэн цэцэрлэгийн багш хүмүүжигч хүүхдээ газар унаган толгойн тус газарт нь цохиж зодож байгаа бичлэг интернэтэд тархсан нь иргэдийн дунд шуугиан тарьж байсан. тэрхүү тохиолдол ч энэ хэрэг ингэж өндрөө авахад нөлөөлсөн гэдгийг эх сурвалжууд хэлж байна.
Энэхүү тохиолдлыг барууны хэвлэлүүд шүүрэн авч, Бээжин дэх тусгай сурвалжлагчаараа мэдээ, мэдээлэл бэлтгүүлэн дэлхий нийтэд цацаж эхэлжээ. Барууны талыг хэт барьсан тэдгээр мэдээлэлд төрөөс цагдаа нарт дарамт шахалт үзүүлж энэ хэргийг хүчээр хаасан. Багш нарын хэрцгий үйлдлийг бичиж авсан бичлэг дүрс бичлэгийн камераас устсан гэх зэргээр бичиж байгаа юм.
ЦАГ АГААР
°C/°C
°C/°C
°C/°C
Төстэй мэдээнүүд