Аймаг, сумдын  засаг даргын мэдэлд нөөц тодорхой мөнгө  байдаг.  Гэтэл энэ  нөөц хөрөнгийн мөнгөө аймаг,  сумдын засаг дарга нар найр наадамд  зарцуулаад дуусгадаг байсан. Нэг ёсондоо Засаг даргын нөөц хөрөнгийг зохих журмын дагуу биш үр ашиггүй зарцуулдаг байдал илэрчээ . Энэ зөвхөн ганц нэгхэн аймаг сумдад бүх бүх аймаг сумдад ийм зөрчил байна гэлээ.

Мөн Сум хөгжүүлэх сангийн зээлийг  аав ээж, ах, дүү хамаатан садан зэрэг хамаарал бүхий этгээддээ давуу байдал олгож зээл олгодог. Зээлийг тухайн сумын онцлогийг харгалзан үздэггүй,  хяналт сул, эргэн төлөлт хийдэггүй, орон нутгийн хөгжлийн сангийн хөрөнгийг үр ашиггүй зарцуулсан, эзэнгүйдүүлсэн  шалгалтын явцад тогтоогджээ.Тухайлбал , Увс аймгийн Наранбулаг суманд сум хөгжүүлэх сангаас 20 сая төгрөгийн зээлийг тоосгоны үйлдвэр барих зориулалтаар олгосон боловч өнөөг хүртэл үйлдвэр баригдаагүй, зээлийн эргэн төлөлт хийгдээгүй байна. Шалтгаан нь тухайн суманд байгаа шавар нь тоосго хийхэд шаардлага хангаагүй гэдэг.Энэ мэт завхралууд орон нутагт олон байна.

Мөн Авигатай тэмцэх   газрын алба хаагчид  орон нутагт ажиллаж байх хугацаанд хэн нэгэн албан тушаалтныг улс төрийн болон бусад зорилгоор харлуулж, өрсөлдөгчөө зайлуулж, чадах гэсэн санаагаар АТГ-т хандах, худлаа мэдээлэл өгөх  тохиолдлууд их гарчээ.  Улмаар үүнийхээ дараа АТГ албан тушаалтантай хуйвалдаж, хэрэг шалгахгүй байна гэх мэт яриа гаргаж байгаа асуудал орон нутагт ажиллаж байхад түгээмэл байсан гэлээ.