Богд хаан: Өөртөө эс тогтновоос гөрөөчид олзлогдохоос хэлтэрхүеэ бэрх

2017-11-16

ЮАНЬ ШИ КАЙ, БОГД ХААН НАРЫН ХАРИЛЦАН БИЧИЛЦСЭН ЗАХИДАЛ 1912 ОН

ДИУлс Богд хаант Монгол улсын тусгаар тогтносон явдлыг ихэд буруушаан Дундад Иргэн улсын Дотоод хэргийн яамны бүгдийн тэргүүнээс элдэв янзаар ятгасан захидал бичиг илгээсэнд, Богд хаант Монгол улсын дотоод явдлын яамны сайдаас хариу няцаасан бичиг илгээсэн тул сүүлдээ асуудал улам даамжирч Юань Ши Кай өөрийн биеэр Богд хаанд нэгэн захидал бичиг илгээв.

Тэрхүү захидалд "Монгол газар хэдий уудам боловч хүний тоо даанч цөөн, олон монголыг нийлүүлэн бодвоос дотоод газрын нэгэн мужийн тоонд хараахан үл хүрэхийн дээр, монголчуудын аж ахуй ядуу зүдүү, эд агуурсын орлого нь бага, Гадаад Монголын эр өдөрт нэг цадахыг эрэвч хараахан үл болох атлаа эдүгээ харин түшмэл байгуулах, цэрэг тэжээх, зэвсэг худалдан авах олон зүйлийн сүйтгэл тулгаж, гаргуулсугай хэмээн шахамдуулах болхул урвахгүй боловч гуу сувгийг дүүртэл унаж үхнэ. Түүнийг хаанаас олох билээ. Хэрэв хүнээс зээлвэл хутганы ишийг урвуулан барьсан мэт, зочид дуудан ирүүлвэл эзэн эрхээ зайлшгүй булаагдана. Олон Монголчууд хятад лугаа зах нийлэн сууж харилцан түшилцвээс харин улс төрд тустай бөгөөд нийлэлцвээс хоёр этгээдэд хохирол буй. Эрхэм ламын оюун билэг нэвтэрхий тул эрхгүй зовлон буяныг хянан ялгаж чадна." хэмээсэн байв.

Энэхүү захидал, цахилгаан 1912 оны 3-р сарын 16-нд ирсэн бол Богд хаан 1912 оны 3-р сарын 25 нд доорх хариу бичгийг илгээв. "Гадаад Монгол энэ удаа журмыг үүсгэсэн нь язгуураас үндсээ баталж, шашнаа баталж харьяат газар орноо бүрэн бүтэн болгохын санаа болой. Ер өөр горилох зүйл бүхий нь бус, мөн ч гажуу үгст баширлагдсан явдал бус, үнэхээрийн харгис засагт зовж зүдэрсний учир болой. Хэрэв өөртөө эс тогтновоос гөрөөчид олзлогдохоос хэлтэрхүеэ бэрх нь үнэхээрийн байдал бүхий дүрс болой. Хэрэв ганцаар тогтнохыг эвдүсүгэй гэхүл харин ч элсэн шаахайг огоорох мэт. Гагцхүү Чин улсын хуандийг засгаас ангижрахын урьд нэгэнт өөрөө эзэн болохыг Дундад ба Гадаад улсад зарлан ухуулсан бөгөөд нэгэнт үүсгэсэн тул зогсоохыг яахан зоргоор аваачиж чадах бэ? Хэрэв үнэхээрийн чингүсүгэй хэмээвээс даруй олон гадаад улсын хурал лугаа зөвлөлдөж олны өгүүллээс хэлтрүүлвээс ямар болов?" гэжээ.

 

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Сургууль, цэцэрлэг барих байршлуудын газрыг чөлөөлж байна
Багшийн хөгжлийг дэмжих тухай хуулийг нийтэлжээ
БНХАУ-ын технологийн салбарын тэрбумтнуудын хөрөнгө 34 тэрбум ам.доллараар буурлаа
Ой тогтоолтын дэлхийн аварга охид Оросуудыг гайхшруулжээ
Хөдөлмөрийн хөлсний доод хэмжээг 2019 оны нэгдүгээр сарын 1-нээс нэмэх шийдвэр гаргажээ
Цэцэрлэгийн бүртгэл дуусахад гурав хоног үлдлээ
Согтуу мотоциклийн жолооч хоёр хүүхдийг хүнд гэмтээжээ
Хөлбөмбөгийн фанатууд багаа дэмжих гэж биш ПИВО уух гэж асарыг зорьдог
Агуйгаас тав дахь хүүхдийг гаргажээ
"Хүн ам, хөдөлмөр нийгмийн хамгааллын салбарт ажиллагсдын 65.3% нь эмэгтэй, 34.7% нь эрэгтэй"
“E-mart” орчмын борооны ус зайлуулах шугамын ажил наадмын өмнө дуусна
Түрүү бөхийг “Ланд крузер-200” автомашинаар шагнана
Хилээр 170 ширхэг гар утас нуун оруулсныг илрүүлжээ
Машинаа ухраахдаа ач охиноо дайрч, аминд нь хүрчээ
Японы дарс үйлдвэрлэгч хосыг Францаас явуулахыг иргэд эсэргүүцжээ
"Гудамжны халдлага" буюу охидыг айлгадаг бүдүүлэг зан
Зорилготой бүсгүйчүүдийн зоригийг битгий мохоогоорой
Ах дүү хоёр зайрмаг авах гэж гараад эргэж ирсэнгүй
Жүжигчин Ц.Цэрэнболд Карпатын ууланд тулалдана
Германы инженер гар утасны “аюулгүйн дэр”-ийг худалдаанд гаргана