Арго: Би жүжигчин Г.Эрхэмбаяраас болж амиа хорлох гэж 2 удаа оролдсон

2017-11-01

Дэлхийн 25 орны хэлээр ярьж бичих чадвартай хэмээдэг Арго багш Монголд анхлан гадаад хэлний сургалтын төв байгуулан, олон төрлийн ном товхимол гаргаж, шавь нарынх нь тоо  хэдийнэ чамгүй олон болсон. 2015 онд Арго сахрын өвчний хүндрэлээс болж хоёр хөлөө тайруулсан. Хоёр жил гаруй хэвтэрт байхад нь Мөрөөдлийн театрын жүжигчин Эрхэмбаяр түүнийг дуурайж элэглэж байсан нь түүнд амиа хорлох хүртэл бодлыг төрүүлэм хүнд хэцүү байсан гэж  ярьлаа.

 

Мөрөөдлийн театрын жүжигчин Г.Эрхэмбаяр таныг өвчтэй хүнд хэцүү байхад  таны тухай шоундаа оруулахад танд их хэцүү байсан гэж та ярьсан. Ахин ийм зүйл давтагдвал та ямар арга хэмжээ авах вэ?

Энэ их удаж байгаа. Би 2014 онд хөлөө тайруулсан. Үүний дараа хоёр жил хэвтэрт байсан. 2015 онд мөрөөдлийн театрын хошин шог гарсан. Ганцхан намайг биш Бат-Отгон гээд зөндөө хүмүүсийг шоолж, шоглосон. Шоолж бололгүй яахав. Гэхдээ хамгийн гол нь би хөлөө тайруулаад хүнд өвчтэй хэвтэрт байхад миний сэтгэл зүйд маш их хүндээр туссан. Би амиа хорлох гэж хоёр удаа оролдсон. Хүн цагаа тулахаар үхэж чаддаггүй юм байна, хүүхдүүдээ хараад үнэхээр чадаагүй. Би Эрхэмбаярт миний дүү одоо энийгээ болиул гэж хэлсэн. Гэвч миний үгийг хүлээж аваагүй. Телевизээр реклам нь гараад хүмүүс үзэж инээлдээд хэцүү байсан. Хүний зовлонгоор жаргал хийж олсон мөнгө нь хоол болдог юм байх даа гээд орхисон. Урьд нь ч орхидог байсан. Дараа нь саяхан ахиад л телевизээр нөгөө хошин шогууд нь гараад эхэлсэн. Би Эрхэмбаярт ядахдаа уучлалт гуйж сур. Би мөнгө нэхэгүй зүгээр л надаас уучлалт гуй гэж хэлсэн. Хүн хүнтэй хүн ёсоор хандаж байхад нэгнийгээ зовж байхад шоолж, дооглоод байх тийм таатай биш байх. Энэ хүмүүсийг энийгээ болихыг шаардаж байна.  Хүмүүст намайг залилагч, харь гарагийн хэлний ном бичдэг гэж ойлгуулж байна. Харь гарагт очоод харь гарагийн хэлээр ярьдаг гэж хошин шог дээр нь гардаг. Миний бичсэн номны үнэ, цэнэ  байхгүй болж байна. 

 

Магадгүй СУИС-д жүжигчний ёс зүйн хичээл их дутмаг ордог юм болов уу?

Тийм. Зовлонд унасан нэгийгээ шоолж дооголдог байвал бид нэг үндэстэн Монголчууд гэж явах хэрэг байхгүй. Улс үндэстэн гэдэг ийм байдаггүй. Нэг нь нэгийгээ хайрладаг, буруу хэрэг хийсэн хүнийг хайр найргүй шийтгэдэг, зөв зүйл хийсэн хүнийг хөхүүлэн дэмждэг байх хэрэгтэй. Ингэж байж л нэг улс орон болно. Энэ бол СУИС-н нэг үзэгдэл юм. СУИС-ийг жүжигчний ангийг төгсөж байгаа оюутнуудад ёс зүй гэдэг зүйлийг маш сайн заах хэрэгтэй. Жүжигчний ур чадвар байгаа боловч ёс зүйгүй байна. Алтан үеийн жүжигчид ямар их ёс зүйтэй, гоё байлаа. Тэр хүмүүсийг дуурайх хэрэгтэй. Ялангуя хошин шогийн жүжигчид их ёс суртахуунгүй, хүүхэд залуучуудыг буруу тийш нь уруу татсан, хүнийг дооглож шоглосон тоглолт их хийдэг. Хөгжлийн бэрхшээлтэй хүмүүсийг доромжилж шоглоно гэдэг аль ч улсад байдаггүй зүйл гэж бодож байна. Би Германд, Солонгост байсан. 

 

Та одоо юу хийж байгаа вэ? Ямар нэг ном бичиж байгаа юу?

Би их сайхан бүтээл хийсэн. Саяхан ес дэх орос хэлний номоо бичээд дэлхийн дээд амжилт тогтоосон. Ирландын алдартай эрдэмтэн 1980-иад онд найман хэлний ном л бичиж чадсан. Харин би энийг нь ес болгож өөрчилсөн. Би Орос хэлний ном бичсэн. Пулькина.И.М,  Захава Некрасова гээд хоёр том эрдэмтний 1950-иад онд бичсэн ном байдаг. Орос хэл сурч байсан бүх хүмүүс үзэж байсан. Их хүнд ном, ерөөсөө сурдаггүй. Энэ номыг үзээгүй хүн байхгүй, дүрмийг нь ойлгосон хүн байдаггүй. Бидний үеийнхэн бүгд мэднэ. Тэр номноос дутахгүй, өөрийн гаргасан аргачлалаар дүрмийг нь ангилж бичсэн. Пулькиний номон дээр үйл үгийг хувирлаар нь тав хуваасан. Би төгсгөлөөр нь үйл үгийг арав хуваасан. Их гоё ном болсон. Хэвлэгдээд гарахаараа монголын хэл шинжлэл дэлхийн томчуудын дээр нь мордлоо л гэсэн үг. Оросын эрдэмтэний дээр гарч чадвал бид цаашаа хол явна.

Эх сурвалж: NIISLEL.MN

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

НҮБ цагаачлалын тухай гэрээг баталжээ
Шалгуулах нь шалгуулаад цагаадах нь цагаадаад нэг талдаа гаръя
Албан тушаалтнуудын ХОМ-ийг бүртгэх бэлтгэл ажил эхэллээ
“Зайсан хилл”-д шинэ жилээ тэмдэглэсэн "НВЦ" компанийн 100 гаруй ажилчин хорджээ
Сэргээш хэрэглэсэн нь тогтоогдсон бөхчүүдийн улсын наадамд барилдах эрхийг хоёр жилээр хаслаа
Газрын тос боловсруулах үйлдвэрийн төмөр замыг хугацаанд нь барихаар УБТЗ шамдаж байна
Францын Страсбург хотод зэвсэгт халдлага гарч дөрвөн хүн амиа алдлаа
Энэ долоо хоногт гурван хүнд элэг шилжүүлэн суулгана
Г.Ууганбаатар: Монголынхоо нэрийг дэлхийд гаргасан “алгын чинээхэн” охиноороо бахархаж байна
Эмчээс ёс суртахуун нэхдэг мөртлөө үнэндээ таны ёс зүй, хүн чанар, хүнлэг байдал хаана байна?
ОПЕК: Газрын тосны гарцыг өдрийн 1.2 сая баррелиар танана
Отгонтэнгэр их сургууль Үндэсний хэмжээний илтгэлийн тэмцээнийг амжилттай зохион байгууллаа
Өмнөд Солонгост таксины шинэ үйлчилгээг эсэргүүцсэн жолооч өөрийгөө шатаажээ
Талууд хамтран ажиллах санал солилцов
“Huawei”-ийн захирал 30 жилийн ял авч магадгүй
Хаалгаа цоожилж, гэр бүлийн хүчирхийлэл үйлджээ
УБЦТС-ын захирал Д.Баярсайхантай хэзээ хариуцлага тооцох вэ?
Саудын Араб сэтгүүлчийн аллагын аудио бичлэгт хөрөөний дуу сонсогдож байгааг CNN мэдээлжээ
“Сансарын “KFC” хоолны газар буу гаргаж танхайрсан этгээдийг шалгаж байна
ЕБС-ийн ахлах ангийн сурагчдын дунд хамгийн өндөр шагналтай үндэсний илтгэлийн тэмцээн эхэллээ