ХСҮТ-ийн гадна талбайн тохижилтын ажил дууслаа

2017-10-27

Хавдар судлалын үндэсний төвийн автомашины зогсоол, гадна талбайн тохижилтын ажлыг дуусгаж, ашиглалтад хүлээлгэн өглөө. Гадна талбайн тохижилтын ажлын нээлтэд нийслэлийн Засаг дарга бөгөөд Улаанбаатар хотын Захирагч С.Батболд, Улаанбаатар хотын ерөнхий менежер бөгөөд Захирагчийн ажлын албаны дарга Т.Гантөмөр, ХСҮТ-ийн захирал Ж.Чинбүрэн болон холбогдох албаны хүмүүс оролцов.

Улаанбаатар хотын Захирагчийн ажлын албанаас эмнэлгүүдийн гадна зам талбайг тохижуулах ажлыг шат дараатайгаар хийж, эмнэлгийн гадна зам талбайд үүсдэг авто машины түгжрэлийг бууруулж, эмнэлгээр үйлчлүүлж буй иргэдэд таатай орчин бүрдүүлж байна.

Энэ ажлын хүрээнд Баянгол дүүргийн 7 дугаар хороо Гэмтэл согог судлалын үндэсний төв, П.Н.Шастины нэрэмжит Улсын гуравдугаар эмнэлэг, Сонгинохайрхан дүүрэг 13 дугаар хороо, эрүүл мэндийн төвийн гадна талбайн тохижилтын ажлыг иж бүрнээр хийж гүйцэтгэсэн юм. Энэхүү ажлын үргэлжлэл болох Хавдар судлалын үндэсний төвийн зам талбайн тохижилтын ажлыг УБЗАА, нийслэлийн Авто замын хөгжлийн газрын захиалгаар нийслэлийн орон нутгийн хөгжлийн сангийн хөрөнгөөр “Эм Эн Ай Жей” ХХК хийж гүйцэтгэн, төлөвлөгөөт хугацаандаа хүлээлгэн өгчээ.

Тохижилтын ажлын хүрээнд 11000 ам метр асфальтан хучилт бүхий зам талбай, 240 авто машины зогсоол байгуулж, 700 ам метр явган зам тавьж сул шороон хөрсийг хатуу хучилттай болгож, 139 ш том оврын нарс мод, 64 ш гацуур мод, 5000 ш бут сөөг тарьж, 1500 ам метр зүлэгт талбай бий болгож ногоон байгууламжийн эзлэх хувийг нэмэгдүүлж,  58 ш гэрэлтүүлгийг хийж, орц гарцыг шийдвэрлэж 1 байсныг 3 болгон нэмэгдүүлж хөдөлгөөний зохион байгуулалтыг оновчтой болгож түгжрэлийг бууруулах зэрэг олон давуу талыг бий болгож байгаа юм гэж нийслэлийн ЗДТГ-ийн Хэвлэл мэдээлэл олон нийттэй харилцах хэлтсээс мэдээллээ.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Согтуу мотоциклийн жолооч хоёр хүүхдийг хүнд гэмтээжээ
Хөлбөмбөгийн фанатууд багаа дэмжих гэж биш ПИВО уух гэж асарыг зорьдог
Агуйгаас тав дахь хүүхдийг гаргажээ
"Хүн ам, хөдөлмөр нийгмийн хамгааллын салбарт ажиллагсдын 65.3% нь эмэгтэй, 34.7% нь эрэгтэй"
“E-mart” орчмын борооны ус зайлуулах шугамын ажил наадмын өмнө дуусна
Түрүү бөхийг “Ланд крузер-200” автомашинаар шагнана
Хилээр 170 ширхэг гар утас нуун оруулсныг илрүүлжээ
Машинаа ухраахдаа ач охиноо дайрч, аминд нь хүрчээ
Японы дарс үйлдвэрлэгч хосыг Францаас явуулахыг иргэд эсэргүүцжээ
"Гудамжны халдлага" буюу охидыг айлгадаг бүдүүлэг зан
Зорилготой бүсгүйчүүдийн зоригийг битгий мохоогоорой
Ах дүү хоёр зайрмаг авах гэж гараад эргэж ирсэнгүй
Жүжигчин Ц.Цэрэнболд Карпатын ууланд тулалдана
Германы инженер гар утасны “аюулгүйн дэр”-ийг худалдаанд гаргана
Долдугаар сарын 9,10-нд бүх нийтээр амрахыг дэмжсэнгүй
Оны эхний таван сарын байдлаар 1353 хүүхэд зам тээврийн осолд өртжээ
Монголбанкны зургаадугаар сард худалдан авсан алтны хэмжээ өсөв
Нийтийн тээврийн зарим чиглэлд түр хугацаанд өөрчлөлт орууллаа
Хил дээр тусгаарлагдсан хүүхдүүд эцэг эхтэйгээ уулзлаа
Д.Оюунхорол: МАН-ын бүлэгт фракц бүлэглэл байхгүй