ХӨСҮТ-ийн эмч нар Хүүхдийн сүрьеэгийн тасагт ирсэн хүүхдүүдээс хамгийн түрүүнд РС тоглодог уу гэж асуудаг болжээ. Учир нь, манай улсад байдаг интернет тоглоомын газрууд ихэвчлэн орон сууцны доод давхарт, гэрэл, агааржилт муутай, тоосжилттой орчинд олон хүнийг байлгадгаас болж хүүхдүүд сүрьеэгээр халдварлан өвчлөх эрсдэл нэмэгдсэн байна.

Улмаар энэ асуудлаар дүүргүүдэд анхааруулга хүргүүлж эхэлсэн байна. Тухайлбал, Баянгол дүүргээс ажлын хэсэг гаргаж РС тоглоомын газруудад шалгалт хийж, зөрчилтэй газруудыг хааж эхэлсэн гэдгийг тус дүүргийн Засаг дарга С.Одонтуяа өөрийн цахим хуудсаар мэдээлжээ.