Их Британид 'Опелиа' хэмээх асар хүчтэй хар салхины улмаас гурван хүн амиа алдаж, хэдэн зуун мянган өрх цахилгаангүй болжээ.

Хар салхи Британийн арлуудыг дайрсны дараа баруун эрэгт үерийн аюул нүүрлэхэд ойрхон байгаа гэнэ. Шотландад салхины хурд 112 км/ц хүрчээ.

'Опелиа' хар салхи дэгдэхийн өмнө Умард Ирланд, Шотландын өмнөд, төв хэсэг болон Английн хойд хэсэг мөн баруун Уэльст аюулын шар өнгийн түгшүүр зарласан юм. Хар салхи өчигдөр 160 км/ц хурдтай Ирландыг дайрахдаа ихээхэн гамшиг хохирол дагуулж, цахилгааны сүлжээг бүхэлд нь сүйтгэжээ. Хар салхины гамшгийн улмаас Ирландын ерөнхий сайд Лео Варадкар үндэсний хэмжээний онц байдал зарлаж, сургууль, коллежуудыг хааж, нийтийн тээврийн сүлжээг түр зогсоосон байна.

Ирландад сүүлийн 50 жилийн хугацаанд 'Опелиа' шиг сүйрэл дагуулсан хар салхи болоогүй тул ард иргэдийг гэрээсээ гарахгүй байхыг анхааруулж байгаа юм байна. 1961 онд Ирландад болсон Дебби хар салхины улмаас 11 хүн амиа алдсан юм байна.