Д.Сумъяабазар шадар сайдад яригдаж байна

2017-10-03

Д.СУМЪЯАБАЗАР ШАДАР САЙДАД ЯРИГДАЖ БАЙНА

Монгол Улсын 30 дахь Ерөнхий сайдад нэр дэвшигч У.Хүрэлсүх "ацан шалаанд" оржээ. Ерөнхий сайдыг ирэх пүрэв гаригийн чуулганы хуралдаанаар томилох ч кабинетдаа ажиллах сайдуудаа хэрхэн бүрдүүлэх вэ гэдэг нь түүний толгойн өвчин болоод байна. Хуульд Ерөнхий сайд кабинетаа өөрөө бүрдүүлнэ гэж буй ч нэг нам дангаараа засгийн эрх барьж байгаа ийм үед тэр, энэ даргын хүн хэмээн албан тушаалын "бялуу"-наас хүртээхгүй бол байгуулсан засгийнх нь наслах хугацаа богинохон болчих гээд байгаа ажээ. Хэдийгээр тэр "Надаас хууль бус зүйл бүү гуйгаарай. Би авлигатай хатуу тэмцэнэ" гэж хэлсэн ч дундын хувилбарыг баримтлахгүй бол 65 суудалтай үнэмлэхүй олонх болсон нам нь Засгийн газраа дахин огцруулахгүй гэх баталгаа яг өнөөдрийн нөхцөл байдалд алга байна. Нэг ёсондоо ёс зүй, дүрэмгүй энэ тоглолтод "эхийг нь эцээж тугалыг нь тураахгүй" байх зарчим яв цав тохирох байх.

Тиймээс ч Ерөнхий сайдад нэр дэвшигч У.Хүрэлсүх өнөөдөр Ж.Эрдэнэбатын Засгийн газрыг огцруулах бичигт гарын үсэг зураагүй 31 хүнтэй бүлгийн дарга Д.Хаянхярваагийн өрөөнд уулзлаа. Уулзалтаар хэнийг сайд болгох талаар ярилцсан ч тодорхой шийдэлд хүрч чадаагүй учраас үргэлжлүүлэн Шадар сайдын үүрэг гүйцэтгэгч У.Хүрэлсүхийн өрөөнд хуралдаж байна. Хурлаар ямар шийдвэр гарах нь одоогоор тодорхойгүй байгаа юм. Гэхдээ олон нийтийн мэдээллийн хэрэгслээр сайдад горилогчдын нэрс хөвөрч байна. Эдгээр мэдээллийн зарим нь ортой ч нөгөө хэсэг нь сайд болох сонирхолтой хүмүүс өөрсдийнхөө нэрийг хэвлэлээр гаргаж байгаа төдий юм.

Эх сурвалжийн өгч байгаа мэдээллээр ЗГХЭГ-ын даргад УИХ-ын гишүүн Г.Занданшатар, Монгол Улсын Шадар сайдад УИХ-ын гишүүн Д.Сумъяабазар, БСШУС-ын сайдад УИХ-ын гишүүн Д.Сарангэрэлийн нэр тодорхой болжээ. Г.Занданшатар гишүүний хувьд УИХ-д гурван удаа сонгогдсон, Гадаад харилцааны сайдаар ажиллаж байсан, Ерөнхий сайдад нэр дэвшигч У.Хүрэлсүхийн фракцад харьяалагддаг нэгэн юм.

Г.Занданшатар, Д.Сумъяабазар нарын нэр яригдаж байна

Харин УИХ-ын гишүүн Д.Сумъяабазарын хувьд УИХ-д хоёр дахь удаагаа сонгогдсон. Парламентад сонгогдохоос өмнө нийслэлийн МАН-ын нийслэл хариуцсан нарийн бичгийн дарга, Сонгинохайрхан дүүргийн МАН-ын хорооны дарга зэрэг сонгуульт албан тушаалыг хашиж байсан, намын гал тогоонд багагүй хугацаанд ажиллаж туршлага суусан хэмээн хотын фракц зүтгүүлж байгаа аж. Ерөнхий сайдыг эзгүйд Шадар сайд ажлыг нь орлодог. Тиймээс уг албан тушаалыг хотын фракц авахаар төлөвлөж, гишүүд дотроосоо туршлагатай, намын нөхдөдөө үнэлэгдэх хэмжээний хүн өрсөлдүүлнэ гэж үзэж буй гэсэн.

Г.Занданшатар, Д.Сумъяабазар нарын нэр яригдаж байна

УИХ-ын гишүүн Д.Сарангэрэл мөн УИХ-д хоёр дахь удаа сонгогдон ажиллаж байгаа бөгөөд өдгөө Өргөдлийн байнгын хорооны даргаар ажиллаж буй. Түүнийг Ерөнхий сайдад нэр дэвшигч У.Хүрэлсүхийн хүн гэх яриа улс төрийн хүрээнд яригддаг. Тэрээр 2012 оны сүүлээр УИХ-ын гишүүн У.Хүрэлсүхийн оронд парламентад намын жагсаалтаар сонгогдож байсан юм.

Энэ удаагийн Засгийн газар 13 яам, 15 сайдтай байна гэдгээ нэр дэвшигч У.Хүрэлсүх мэдэгдсэн. Өөрөөр хэлбэл, тэрээр одоо байгаа засгийн бүтцэд өөрчлөлт оруулахгүй гэдгээ илэрхийлээд буй юм. Дээр нэр нь дурдсан гурваас бусад яаманд хэн очих талаар тодроогүй яг одоо хуралдаж байна.

Эх сурвалж: ZARIG.MN

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Д.Оюунхорол: Огцруулахад нь 100 хувь оролцсон АН-ынхан ярьсан хэлснээсээ буцаж арчаагүй улс төр хийж байна
Дархан- Уул аймгийн Бизнес эрхлэгчдэд зориулсан сургалт болж байна
Н.Жамъянхүү: 1434 хавх хурааж, 14340 амьтны амь аварлаа
"Жирэмсэн байхдаа гадаадад гарч хүүхдээ төрүүлээд тэнд нь зарчихаад нутагтаа ирдэг"
Ашиглагдсан усыг нөхөн сэргээж, ирээдүйдээ нөөцөлнө
Алтайн нуруунаас эртний занданшуулсан шарил олджээ
Б.Эрдэнэхуяг: Хуулийн өөрчлөлтөөр Монголбанкны бие даасан, хараат бус байдлын үзүүлэлтийн түвшин 80 хувьд хүрнэ
Үндэсний лигийн мэргэн бууч Н.Наранболдыг нэг сая төгрөгний хадгаламжаар урамшууллаа
Их Британид ОПЕЛИА хар салхи дэгдлээ
УИХ-ын нэгдсэн хуралдаан сайд нараа батламжилна
Ойрын хоногуудад ихэнх нутгаар өдөртөө дулаарна
УИХ-ын гишүүн асан С.Ганбаатарыг шүүж байна
Манай улсын үүрэн утас хэрэглэгчдийн тоо 3.6 саяд хүрчээ
Оросууд Америкчуудыг хакердаж байхад нь Израйлчууд хакердаж мэджээ
Монголын хамгийн өндөр настай, хамгийн олон жил ЖОЛОО мушгисан эмээ
Г.Дэнзэн шүүх хурлыг нээлттэй явуулахыг хүслээ
"Тарьц, суулгац-2017" үзэсгэлэн худалдаа үргэлжилж байна
Эко сургуулиудын үндэсний- III чуулган зохион байгуулагдлаа
Дональд Трамп мангуу биш гэдгээ батлахын тулд IQ сорил өгөхөд бэлэн гэлээ
Автобусны буудлын зогсоолыг зарладаг болно