Нийслэлийн Газрын албаны Газар ашиглалт, бүртгэлийн хэлтсийн хамт олон "Ид шидийн орон хүүхэд хамгаалал хөгжлийн төв"-д хоёр өдрийн цалингаа хандивлажээ. Тус хандивыг "Лантуун дохио" ТББ-ын тэргүүн Ч.Ганжавхлан хүлээн авчээ. 

"Хэрвээ чи ид шидтэй байсан бол юу хийх байсан бэ ? Үнэхээр тийм байсан бол ... гээд бодвол олон хүн “Би хүүхдийн төлөө” ямар нэг зүйл хийх байсаан гэж хэлэх болов уу. Яагаад гэвэл тэд бол хүүхэд ! Хариулт нь ийм энгийн. Тэд хамгаалуулж, хайрлуулж, инээлдэн гүйх гэж энэ хорвоод ирсэн. Харин өнөөдөр нийслэлийн хэмжээнд 30400 хүүхэд цоожтой хаалганы цаана уйтгартай бага насыг өнгөрөөж байна." хэмээн өөрийн санаачилсан төслийг амжилттай эхлүүлж нээлтээ хийсэн. Тэгвэл ийнхүү төрийн албан хаагчид ажлыг нь дэмжиж, хандив өглөө.