2017-08-25
Нийслэлийн ерөнхий боловсролын сургуулийн 11 сурагч БНСУ-ын Пусаны Үндэсний Их сургуульд тэтгэлгээр суралцахаар болжээ.
Нийслэлийн Боловсролын газар, БНСУ-ын Пусаны Үндэсний Их сургууль нийслэлийн ерөнхий боловсролын сургууль төгсөгчдийг БНСУ-д тэтгэлэгтэй нөхцөлөөр суралцуулах, боловсролын салбарын ажилчдыг туршлага солилцуулах, мэргэжил дээшлүүлэх зорилгоор энэ оны дөрөвдүгээр сард хамтын ажиллагааны санамж бичиг байгуулсан.
Санамж бичгийн хэрэгжүүлэх хүрээнд БНСУ-ын Пусаны Үндэсний Их сургуулийн гадаад харилцаа хариуцсан захирал холбогдох хүмүүсийн хамт ирж сонгон шалгаруулалт явуулснаар нийслэлийн 11 сурагчийг БНСУ-д тэтгэлэгтэйгээр суралцуулахаар боллоо.
Бүгд Найрамдах Солонгос улсын хоёр дахь том хот Пусан хотын Пусаны Үндэсний Их Сургууль (Pusan National University - PNU) нь 1946 онд байгуулагдсан, 26,485 оюутан, 839 эрдэмтэн багштай, тус улсын шилдэг 10 их сургуулийн нэг юм.
Пусаны Их Сургууль нь нийгмийн шинжлэх ухаан болон менежментийн чиглэлээр улсдаа 5-т, инженер болон технологийн чиглэлээр 6-т, анагаахын эм зүйн чиглэлээр 6-т, урлаг, утга зохиолын чиглэлээр 9-т тус тус ордог БНСУ-ын тэргүүлэх сургуулиудын нэг.
ЦАГ АГААР
°C/°C
°C/°C
°C/°C
Төстэй мэдээнүүд