Өнөөдөр буюу зургадугаар сарын 14-ний өдөр орон даяар элсэлтийн ерөнхий шалгалт эхэлж байгаа билээ. Дорноговь аймгийн Замын-Үүд сумын Ерөнхий боловсролын сургуулийн төгсөх ангийн сурагчид шалгалтаа өгөхөөр явах замдаа зам тээврийн осолд өртжээ. Тодруулбал, хүүхдүүд өчигдөр оройн 00:00 цагийн орчимд осолдсон бөгөөд тэд Замын-Үүд сумаас замын унаанд сууж яваад осолдсон байна. Ослын улмаас автомашины жолооч болон зорчиж явсан гурван сурагч амь насаа алдсан гэх албан бус мэдээлэл байна. Түүнчлэн уг машинд зорчиж явсан хоёр сурагчийн биеийн байдал тааруу, тус аймгийн нэгдсэн эмнэлэгт хэвтэн эмчлүүлж байгаа аж.