Францын Ерөнхийлөгчийн сонгуулийн эхний шатанд ялалт байгуулсан, “Урагшаа” хөдөлгөөний лидер Эммануэль Макрон сонгуулийн хоёрдугаар шат болоход долоо хоног хүрэхгүй хугацаа үлдээд байхад Европын холбооны талаарх байр сууриа 180 хэм өөрчилсөн мэдэгдэл хийжээ.

Өмнө нь Европын холбооноос гарах асуудлыг дэмждэггүй байсан тэрээр өнөөдөр “BBC News” агентлагт өгсөн ярилцлагадаа “Сонгуулийн өмнөх кампанит ажлын үеэр би холбоог үргэлж дэмжиж, хамгаалж ирсэн. Учир нь энэ бол францын ард түмний хувьд чухал юм. Гэвч хүн амын 50 хувь нь эсэргүүцэж байгаа тохиолдолд үүнийг эргэн харах хэрэгтэй. Хэрвээ тодорхой зарчмын асуудлуудаар Брюссельтэй ойлголцолд хүрэхгүй бол “Фрексит”-ийг авч үзэхэд бэлэн” хэмээн өгүүлжээ.  

Европын холбооноос гарах бодлого баримтлахаа зарласан М.Ле Пений чансаа нэмэгдэж эхэлсэн учир Э.Макрон ийм мэдэгдэл хийсэн гэж шинжээчид дүгнэж байна.

Эх сурвалж: EAGLE.MN