2017-04-27
Төрөөс мөнгөний бодлогын талаар 2017 онд баримтлах үндсэн чиглэлийг хэрэгжүүлэх ажлын хүрээнд Монголбанкнаас валютын захын дэд бүтцийг сайжруулах, хүртээмж, мэдээллийн ил тод байдлыг нэмэгдүүлэх, спот ханш бүрдэх суурь нөхцөлийг бүрдүүлэх зорилгоор “Банк хоорондын валют арилжааны цахим талбар”-ыг нэвтрүүлж, 2017 оны 4 дүгээр сарын 26-ны өдөр нээлтийн үйл ажиллагааг амжилттай зохион байгууллаа.
“Банк хоорондын валют арилжааны цахим талбар”-ын үйл ажиллагааг хэвийн, үр ашигтай явуулах зорилгоор Монголын банкны холбооны Удирдах зөвлөлөөс “Арилжааны мэргэжилтний ёс зүйн дүрэм”-ийг боловсруулсан бөгөөд уг нээлтийн үйл ажиллагааны үеэр ёс зүйн дүрмийг баталж, гарын үсэг зурах ёслол болов.
Энэхүү үйл ажиллагаанд Монголбанк, Сангийн яам, Санхүүгийн зохицуулах хороо, Монголын банкны холбоо, арилжааны банк, банк бус санхүүгийн байгууллага болон томоохон аж ахуйн нэгж байгууллагын төлөөлөл оролцов.
Монголд анх удаа валют арилжааны цахим талбар нээгдсэнтэй холбогдуулж“Иргэн, ААНБ цахим арилжааны талбарт оролцох боломж”, “Арилжааны мэргэжилтний ёс зүйн дүрмийн ач холбогдол”, “Монгол Улсын Засгийн газрын үнэт цаасны зах зээл”-ийн талаар сонирхолтой илтгэлүүдийг Голомт банк, Хаан банк, Сангийн яамнаас оролцогчдод танилцууллаа.
ЦАГ АГААР
°C/°C
°C/°C
°C/°C
Төстэй мэдээнүүд