Коронавируст халдварыг илрүүлэхээр сүүлийн 24 цагт улсын хэмжээнд хийсэн шинжилгээний хариуг ХӨСҮТ-өөс танилцууллаа.

ХӨСҮТ-ийн Тандалт, судалгааны албаны дарга А.Амбасэлмаа "Улсын хэмжээнд хоёрдугаар сарын 21-нд 55 хүнд халдвар илэрлээ. Бүгд Улаанбаатар хотод бүртгэгдсэн. Үүний 21 хүн нь өмнөх батлагдсан тохиолдлуудын ойрын хавьтлаас илэрсэн. 24 тохиолдол "Нэг хаалга-Нэг шинжилгээ"-гээр илэрчээ. 11 хоногийн хугацаанд "Нэг хаалга-Нэг шинжилгээ" ажлын хүрээнд нийт 102 халдварын батлагдсан тохиолдол илрүүлээд байна.