Ховд аймагт коронавирусийн халдварын зөөвөрлөгдсөн хоёр тохиолдол өчигдөр бүртгэгдсэн байна.

Халдвартай 2 иргэн болон хамт зорчиж ирсэн 43 иргэнийг тусгай үүргийн онгоцоор Улаанбаатар хот руу буцааж байна

Үүссэн нөхцөл байдалтай холбогдуулан аймгийн Онцгой комиссыг шуурхай хуралдуулж Улсын Онцгой комисс, Эрүүл мэндийн яам, ХӨСҮТ-тэй зөвшилцсөний дагуу халдвартай 2 иргэн, автобусны жолооч, хамт ирсэн зорчигч гээд нийт 45 хүнийг тусгай үүргийн онгоцоор УБ хот ХӨСҮТ-рүү журмын дагуу тээвэрлэхээр шийдвэрлэжээ.

Мөн УБ хотоос ирж гэрийн ажиглалтад байгаа иргэдэд тавих хяналтыг сайжруулж, болзошгүй эрсдэлээс урьдчилан сэргийлэх бүх талын арга хэмжээ авч ажиллах үүргийг сумдын Онцгой комисс, мэргэжлийн болон хууль хяналтын байгууллагуудад үүрэг болгосон байна.