Монгол Улсад өнгөрсөн 24 цагийн дотор 16 хүн шинээр коронавирусийн халдвар авчээ. Шинэ халдварууд Улаанбаатар хотод бүртгэгдсэн байна.

Үүнээс:

-БЗД-ийн 2 дугаар хорооны 4, 5, 8 дугаар хэсэгт шинээр халдвар бүртгэгдсэн байна. Тус хороонд нийтийн байрнаас өчигдөр 9 хүн халдвартай нь батлагдсан бол өнөөдөр нэмэгдэж 2 хүн бүртгэгджээ. Тандалтын судалгаа үргэлжилж байгаа аж.

-ЭМЯ-ны нэг ажилтнаас коронавирусийн халдвар илэрсэн байна. Үүнтэй холбоотой яаманд хөл хорио тогтоож 5 хүнийг тусгаарлаж, 28 хүнийг гэрийн ажиглалтад шилжүүлжээ.

-Үлдсэн хүмүүс нь тусгаарлаж байсан хүмүүсийн 2, 3 дахь давтан шинжилгээгээр илэрч байгаа аж.

Улаанбаатарт нийт халдварын тоо 814 болж, улсын хэмжээнд нийт каластр өвчлөл 1140-д хүрчээ. Шинээр 25 хүн эдгэрч, дараагийн хяналтад шилжээд байна.

Ингэснээр улсын хэмжээнд нийт өвчлөл 1643 болсноос 1169 хүн эдгэрээд байна.