Говь-Алтай аймгийн Эрүүл мэндийн газраас гэрийн ажиглалтад байгаа иргэд, Онцгой байдал, цагдаа, мэргэжлийн хяналт, тохижилт үйлчилгээний ажилчид, банкны теллерүүд, үсчин, худалдааны төв, хүнсний дэлгүүрүүдийн  худалдагч зэрэг 411 иргэнээс COVID-19-ийн илрүүлэх шинжилгээ авчээ.

Мөн Аймгийн Нэгдсэн эмнэлгийн ажилтнууд, эмчлүүлэгчид, амьсгалын замын халдварын шинжтэй өвчтөнүүдийг хамруулан нийт 500  гаруй иргэдээс тандалт авлаа. Шинжилгээг журмын дагуу тээвэрлэн ЗӨСҮТ-д илгээсэн байна. 

Говь-Алтай аймгийн Онцгой комиссын энэ сарын 25-ны өдрийн хуралдаанаар дараах шийдвэрийг гаргажээ. Үүнд:

Өндөржүүлсэн бэлэн байдлын хугацааг 12 дугаар сарын 24-ний өдрөөс 1 дүгээр сарын 6-ныг хүртэл сунгаж, Улаанбаатар хотоос ирж байгаа ачаа тээврийн үйл ажиллагаа болон зөвшөөрөлгүй зорчиж байгаа хөдөлгөөнд хяналт шалгалт хийж, үйл ажиллагааг зохицуулах зорилгоор 3 хяналтын постыг үргэлжлүүлэн ажиллуулж байна гэж тус аймгийн ЗДТГ-аас мэдээллээ.