Зимбабве улс зэрлэг заан экспортлох хүсэлтэй байна

2019-06-26

Зэрлэг зааны сүргийн тоо толгой нь хэт нэмэгдэж, хүн амтай нь газар нутаг булаацалдах болсон тул Зимбабве улс худалдаж авах хүсэлтэй аль ч улсад энэхүү аварга амьтныг зарах сонирхолтой байгаагаа илэрхийлжээ.

Африкийн Холбоо, НҮБ-аас зохион байгуулсан байгаль хамгаалах чуулганы төгсгөлд Зимбабве улсын ерөнхийлөгч Эммерсон Мнангагва тус улсын 84,000 орчим тоо толгойтой заан сүргийг 50,000 болгон бууруулах хүсэлтэйгээ мэдэгдсэн байна.

“Жишээ нь манай умард хөршийн ахан дүүс маань байгалиа устгаж сүйтгэсэн байгаа. Тэдэнд бид заан зарах, зарим хэсгийг нь хандивлах хүсэлтэй байна” гэж тэр ярьжээ.

Ингэхдээ тэр олон жил иргэний дайны хөлд нэрвэгдсэн Ангол улсыг хэлсэн байна. Ангол улс иргэний дайны үеэр газарт булсан минануудыг цэвэрлэж дуусаад зэрлэг зааныг дахин нутагшуулахаар бэлдэж байгаа юм.

Олон төрлийн зэрлэг амьтад газрын минаны аюулаас дайжиж, энэ улсын байгалийн тогтолцоо алдагдаад байгаа.

Тавдугаар сард Зимбабве улс нийт 90 гаруй зааныг Хятад, АНЭУ улсуудад $2.7 саяар зарсан байна.

Заан зарж олсон мөнгийг байгаль хамгаалах үйлсэд зарцуулахаа тухайн үед эрх баригчид амлаж байжээ.

Мнангагва бас зааны соёоны худалдаанд тавьсан олон улсын хоригийг цуцлахыг уриалсан байна. Тус улсад одоо нийт $600 саяар үнэлэгдэх хэмжээтэй зааны соёо, хирсний эвэр хуримтлагдаад байгаа ажээ.

Зимбабвегийн хөрш Ботсвана, Намиби, Замби, Өмнөд Африк улсууд мөн хоригийг цуцлахыг хүсэж байгаа.

Эдгээр улсуудад дэлхийн заан сүргийн талаас илүү хувь нь амьдардаг бөгөөд зааны соёоны олон сая ам.долларын нөөцтэй болоод байгаа. Уг баялгаа мөнгө болгож, байгаль хамгаалах үйлсэд зарцуулах сонирхлоо тэд сүүлийн үед илэрхийлэх болсон юм.

Сэтгэгдэл үлдээх



Энэ мэдээ танд таалагдаж байвал LIKE хийгээрэй. Танд баярлалаа.

Соргог онцлох

Нэг өрхийн сарын дундаж бодит нийт орлого өмнөх улирлаас 6.6 хувиар өслөө
Үндсэн хуулийн цэц хуралдана
Энэ жилийн хамгийн үнэтэй 10 автомашины брэнд
Б.Хурц нарын есөн хүнд холбогдох гэм буруугийн шүүх хурал өнөөдөр болно
Д.Нямхүү: Дахин хоёр хүн эмчилэгдэж, ХӨСҮТ-ээс гарлаа
Баянзүрх дүүрэгт МАН-аас рейтинг өндөртэй улстөрчид үзэх нь
Хулгайлсан автомашиныхаа арлын дугаарыг өөрчлөн зарж борлуулах гэж байсныг илрүүллээ
Хотын төвийн авто зогсоолуудыг нэгдсэн менежментэд оруулж эхэллээ
Алтанбулаг боомтоор орж ирсэн 205 иргэнийг Орхон, Сэлэнгэ, Дархан-Уул аймагт тусгаарлажээ
Улаанбаатар хотод эм, эмнэлэгийн хэрэгслийн төвлөрсөн агуулахыг барьж байгуулна
Узбекистанд их, дээд сургуулийн элсэлтийн шалгалтыг хялбаршуулсан хэлбэрээр зохион байгуулна
Шүүх Э.Оюунболд аваргын нэхэмжлэлийг хэрхэн шийдэх вэ?
БНХАУ-ын пуужин Атлантын далайд унаж дэлбэрчээ
Хахууль авсан хэрэгт холбогдсон шүүгчдийн гэм буруутай, эсэхийг хэлэлцэж эхэллээ
Сонгуулийн маргааш л бут үсрэх Ардчилсан намын түр эвлэрэл
COVID-19: Халдварласан хүний тоо 4,525,000 давж, 303,371 хүн нас баржээ
Хамгийн олон хууль санаачилж батлуулсан гишүүд
УИХ-ын сонгуульд нэр дэвшигчдийн ХОМ авах сүүлийн хугацаа энэ сарын 19
Хэнтий аймагт орон нутгийн замын хөдөлгөөнийг хязгаарлана
Цаг агаарын гамшигт үзэгдлээс сэрэмжлүүлж байна!